شہناز گل کے کندھے پر فین نے رکھا ہاتھ تو بھڑکیں، سب کے سامنے لگادی پھٹکار

بگ باس 13 میں نظر آنے کے بعد لائم لائٹ میں آنے والی شہناز گل کے آج لاکھوں مداح ہیں۔ اپنی معصومیت سے لاکھوں لوگوں کے دل جیتنے والی شہناز اکثر میڈیا کی سرخیوں میں رہتی ہیں۔ حال ہی میں شہناز گل اپنے والد کو ملنے والی دھمکیوں کے حوالے سے زیر بحث رہی ہیں۔ اب ایئرپورٹ پر بھی شہناز اس وقت بھڑک گئیں جب ایک مداح نے ان کے کندھے پر ہاتھ رکھ کر تصویر لینے کی کوشش کی۔ فین کا ہاتھ دیکھ کر شہناز نے پلٹ کر اسے ڈانٹا۔ اس کی ویڈیو سوشل میڈیا پر وائرل ہو رہی ہے۔

جانئے کیا ہے معاملہ
حال ہی میں شہناز گل کو ایئرپورٹ پر دیکھا گیا۔ شہناز ایئرپورٹ کے باہر پاپرازیوں کے لیے پوز دے رہی تھیں۔ اس دوران وہاں موجود کچھ مداحوں نے شہناز کے ساتھ تصاویر لینے کی کوشش بھی کی۔ شہناز نے مداحوں کے ساتھ ڈھیروں تصاویر بھی بنوائیں۔ اس دوران ایک مداح نے شہناز کے کندھے پر ہاتھ رکھ کر تصویر لینے کی کوشش کی۔ یہ دیکھ کر شہناز قدرے ہچکچائی اور مڑ کر دور ہوگئیں۔ شہناز نے غصے سے کہا کہ 'تمہیں کیا لگتا ہے کہ تمہارا دوست ہے'۔ حالانکی مداح نے فوری طور پر معافی بھی مانگ لی۔

 

View this post on Instagram

 

A post shared by Viral Bhayani (@viralbhayani)

بالی ووڈ کے وہ سپر اسٹار جنہوں نے ڈپریشن سے لڑ کر حاصل کی جیت، فینس کو دیا خاص پیغام

Mental health پر بولیں دیپکا پاڈوکون، ماں اگر ساتھ نہ دیتیں، تو نہ جانے آج کیا حالت ہوتی

ویڈیو سوشل میڈیا پر وائرل ہوگئی
آپ کو بتاتے چلیں کہ اس واقعے کی ویڈیو بھی سوشل میڈیا پر وائرل ہو رہی ہے۔ اس ویڈیو کے حوالے سے مداحوں نے بھی اپنا ردعمل دیا ہے۔ کسی نے اسے مداحوں کی غلطی بتایا۔ تو اس کے ساتھ ہی کئی لوگوں نے مداحوں کو مشہور شخصیات کے ساتھ فوٹو کھنچواتے وقت ایک حد رکھنے کا مشورہ بھی دیا ہے۔ سوشل میڈیا پر ایک یوزر نے ویڈیو پر تبصرہ کیا کہ 'کچھ فینس بہت بیوقوف ہیں'۔