بامبے ہائی کورٹ نے کنگنا کے دفتر میں بی ایم سی کی کارروائی پر لگائی روک، کل دوپہر میں پھر سماعت

ممبئی۔ اداکارہ کنگنا رانوت (Kangana Ranaut) اور مہاراشٹر حکومت (Maharashtra Government) کے درمیان کھینچ تان کم ہونے کا نام نہیں لے رہا ہے۔ بدھ کو بی ایم سی (BMC) نے اپنا ہتھوڑا چلایا تو کنگنا نے بامبے ہائی کورٹ (Bombay High Court) میں اپیل کی جس پر ہائی کورٹ نے نوٹس لیا۔ کنگنا رانوت کے بنگلے پر غیر قانونی تعمیرات کو لے کر کی جا رہی بی ایم سی کی کارروائی پر بامبے ہائی کورٹ نے روک لگا دی ہے۔ بالی ووڈ کی ' پنگا گرل' نے ہائی کورٹ میں عرضی دائر کر اس کاروائی پر روک لگانے کی مانگ کی تھی۔ وہیں، اس معاملے پر جمعرات کو دوپہر تین بجے پھر سے سماعت ہو گی۔

بی ایم سی نے کنگنا کے دفتر میں غیر قانونی تعمیرات کا حوالہ دے کر زبردست توڑ پھوڑ کی ہے۔ اطلاعات کے مطابق، عدالت کے حکم سے پہلے تقریبا دو گھنٹے تک بی ایم سی نے کنگنا کے بنگلے پر خوب ہتھوڑے چلائے۔ عدالت کے حکم کے بعد اب بی ایم سی کے اہلکار توڑ پھوڑ روک کر باہر آ گئے۔

Bombay High Court stays BMC's demolition at Kangana Ranaut's property, asks the civic body to file reply on actor's petition pic.twitter.com/VaoeBSOnay

— ANI (@ANI) September 9, 2020

بامبے ہائی کورٹ نے اس توڑ پھوڑ پر روک لگانے کا حکم دیا ہے یعنی اب آگے کسی طرح کی کارروائی اگر ہونی تھی تو وہ نہیں ہو گی۔

#WATCH Mumbai: Brihanmumbai Municipal Corporation (BMC) officials carry out demolition at Kangana Ranaut's property. pic.twitter.com/ztn2L0Jg54

— ANI (@ANI) September 9, 2020

کنگنا رانوت کے ممبئی پہنچنے سے پہلے بی ایم سی نے یہ بڑی کارروائی کی، جس پر ہائی کورٹ نے لگا دی ہے۔ آپ کو بتا دیں کہ بی ایم سی نے اداکارہ کنگنا رانوت کے باندرہ ویسٹ کے پالی ہل روڈ پر واقع فلم آفس کے ایک حصے کو غیرقانونی تعمیرات بتاتے ہوئے منہدم کر دیا ہے۔ بی ایم سی کی اس کارروائی کے خلاف کنگنا نے وکیل رضوان صدیقی کے ذریعہ بامبے ہائی کورٹ میں عرضی دائر کی تھی۔