انکم ٹیکس محکمہ نے پکڑی کروڑوں کی ہیراپھیری ، تاپسی پنوں کے گھر پانچ کروڑ نقد لین دین کی رسیدیں ملیں

فلم ساز انوراگ کشیپ اور بالی ووڈ کی مشہور اداکارہ تاپسی پنوں کے گھر اور دفتر میں دوسرے دن بھی مرکزی جانچ ایجنسیوں کی چھاپہ ماری جاری رہی ۔ آئی ٹی محکمہ جمعرات کو بھی سرچ اور سروے کے کاموں کو انجام دے رہا ہے ۔ یہ سرچ اور سروے کا کام تین مارچ کو شروع کیا گیا تھا ۔ ممبئی کی دو اہم فلم پروڈکشن کمپنیوں ، ایک لیڈنگ اداکارہ اور دو ٹیلنٹ مینجمنٹ کمپنپیوں کے احاطہ میں سی بی ڈی ٹی کی ٹیم یہ سرچ اور سروے کررہی ہے ۔ سی بی ڈی ٹی کے مطابق یہ مہم پونے ، ممبئی ، دہلی اور حیدرآباد میں چلائی جارہی ہے ۔

مختلف مقامات پر واقع 28 جگہوں کو کوور کیا جارہا ہے ، جس میں رہائش گاہ اور آفس دونوں شامل ہیں ۔ سرچ کے دوران فلم کے ریئل باکس آفس کلیکشن کے موازنہ میں فلم پروڈکشن ہاوس نے اپنی انکم کو کم دکھانے کی کوشش کی ۔ سی بی ڈی ٹی نے اپنے سروے میں ایسے ثبوت حاصل کئے ہیں ، جن سے یہ ثابت ہوتا ہے کہ تقریبا 300 کروڑ روپے کی انکم کو چھپایا گیا ہے ۔



سرچ کے دوران ان پروڈکشن ہاوس کے انکم اور شیئر میں بڑے پیمانے پر ہیرا پھیری کے ثبوت ملے ہیں ۔ انکم ٹیکس کو 350 کروڑ روپے کی ٹیکس گڑبڑی کا پتہ چلا ہے ۔ 350 کروڑ روپے کے بارے میں کمپنی اہلکار کوئی جواب نہیں دے پائے ۔ 350 کروڑ روپے کی ٹیکس گڑبڑی کے ثبوت ملے ہیں ، جانچ جاری ہے ۔ تاپسی پنوں کے نام پر پانچ کروڑ کی کیش ریسپٹ ملی ہے ، جس کی جانچ کی جارہی ہے ۔ ان سب کے علاوہ 20 کروڑ کی مزید ٹیکس گڑبڑی کے ثبوت بھی ملے ہیں ۔ اسی طرح کی گڑبڑی تاپسی پنوں کے خلاف بھی ملی ہے ۔

دونوں ٹیلنٹ مینجمنٹ کمپنی  سے بڑی رقم کا ڈیجیٹل ڈیٹا ای میل ، وہاٹس ایپ چیٹس ، ہارڈ ڈسک کی شکل میں سیز کیا گیا ہے ۔ سات بینک لاکر ملے ہیں ، انہیں بھی سیز کیا گیا ہے ۔ سرچ آپریشن اور جانچ مسلسل جاری ہے ۔