کورونا پازیٹیو پائےگئے چرنجیوی، 2 دن پہلے تلنگانہ کے وزیر اعلیٰ سے ہوئی تھی ملاقات

نئی دہلی: کورونا وائرس (Coronavirus) کا اثر پوری دنیا پر پڑ رہا ہے۔ ہندوستان میں بھی اس وائرس کا اثر اب تک جاری ہے۔ ملک میں اب تک 85 لاکھ سے زیادہ کورونا وائرس کے معاملات سامنے آچکے ہیں، جس میں سے 79 لاکھ اس جنگ کو جیت چکے ہیں، لیکن اس بیماری کے سبب ایک لاکھ سے زیادہ لوگوں کو اپنی جان گنوانی پڑنی۔ اس بیماری کی چپیٹ میں فلمی دنیا کے کئی ستارے بھی اب تک آچکے ہیں اور اب ساوتھ فلموں کے عظیم فنکار چرنجیوی (Chiranjeevi) بھی کورونا سے متاثر ہوگئے ہیں۔

ٹوئٹ کرکے دی جانکاری

چرنجیوی نے اس بات کی جانکاری خود اپنے ٹوئٹ اکاونٹ پر دی ہے۔ انہوں نے ایک ٹوئٹ کرتے ہوئے کہا کہ فلم ’آچاریہ’ کے شوٹ سے پہلے انہوں نے پروٹوکول کے تحت اپنا کووڈ ٹسٹ کرایا، جس میں وہ پازیٹیو پائے گئے۔ انہوں نے یہ بھی بتایا کہ ان کے اندر کورونا وائرس کی کوئی علامت نہیں ہے۔ فی الحال وہ سیلف کوارنٹائن میں ہیں۔ انہوں نے ان لوگوں سے کورونا ٹسٹ کروانے کی اپیل کی ہے، جو گزشتہ 5 دنوں میں ان سے ملے ہیں۔

 

ఆచార్య షూటింగ్ ప్రారంభించాలని,కోవిడ్ టెస్ట్ చేయించుకున్నాను. రిజల్ట్ పాజిటివ్. నాకు ఎలాంటి కోవిడ్ లక్షణాలు లేవు.వెంటనే హోమ్ క్వారంటైన్ అయ్యాను.గత 4-5 రోజులుగా నన్ను కలిసినవారందరిని టెస్ట్ చేయించుకోవాలిసిందిగా కోరుతున్నాను.ఎప్పటికప్పుడు నా ఆరోగ్య పరిస్థితిని మీకు తెలియచేస్తాను. pic.twitter.com/qtU9eCIEwp

— Chiranjeevi Konidela (@KChiruTweets) November 9, 2020

تلنگانہ کے وزیر اعلیٰ اور ناگاارجن سے ہوئی تھی ملاقات

واضح رہے کہ 7 نومبر کو چرنجیوی کی حیدرآباد کے پرگتی میدان میں تلنگانہ کے وزیر اعلیٰ کے چندر شیکھر راو سے ملاقات ہوئی تھی۔ میڈیا رپورٹس کی مانیں تو اس دوران ماسک نہیں لگایا ہوا تھا۔ رپورٹس کے مطابق، انہوں نے صرف اپنے ماسک کو اپنے ہاتھ میں پکڑا ہوا تھا۔ اس دوران ساوتھکے سپر اسٹار ناگاارجن بھی وہاں موجود تھے۔