ورون دھون، کیارا اڈوانی اور نیتو کپور کو کورونا ہونے کی خبر، روک دی گئی شوٹنگ!

نئی دہلی: فلم ‘جگ جگ جیو (Jug Jugg Jeeyo)’ کے سیٹ سے ایک بڑی خبر سامنے آرہی ہے۔ چنڈی گڑھ میں اسی فلم کی شوٹنگ کر رہی ٹیم کے کچھ لوگوں کو کورونا وائرس کی چپیٹ میں آنے کی خبر ہے۔ فلم سے منسلک ذرائع کی مانیں تو ورون دھون (Varun Dhawan)، کیارا اڈوانی (Kiara Advani) اور کیارا اڈوانی اور نیتو کپور (Neetu Kapoor) کو کورونا ہوگیا ہے۔ حالانکہ، ابھی تک اس بات کی تصدیق نہ تو ستاروں نے اور نہ ہی فلمساز نے عوامی کی ہے۔ ذرائع کی مانیں تو اس کے بعد فلم کی شوٹنگ بھی روک دی گئی ہے۔

روزنامہ بھاسکر میں ذرائع کے حوالے سے خبر دی گئی کہ کورونا کی رپورٹ آتے ہی فلم کی شوٹنگ بھی روک دی گئی ہے۔ حال ہی میں نیتو سنگھ، ورون دھون، انل کپور اور کیارا اڈوانی سمیت اس فلم کی پوری ٹیم چنڈی گڑھ فلم کی شوٹنگ کے لئے روانہ ہوگئی تھی۔ شوٹنگ پر جانے سے پہلے ان ستاروں نے ایک ساتھ اپنی تصویریں بھی شیئر کی تھیں۔ ’جگ جگ جیو’ 30 اپریل کو رشی کپور کے انتقال کے بعد نیتو کپور کی پہلی فلم ہے۔ فلم سے منسلک ذرائع کی مانیں تو جمعرات کو ان ستاروں کے پازیٹیو ہونے کی رپورٹ سامنے آئی ہے اور اسی کے بعد فلم کی شوٹنگ روک دی گئی ہے۔ جلد ہی اس بات کی اطلاع آفیشیل طور سے سامنے آسکتی ہے۔

 

View this post on Instagram

 

A post shared by neetu Kapoor. Fightingfyt (@neetu54)