بالی ووڈ کے اس مشہور کوریوگرافر پر ڈانسر نے لگایا سنگین الزام ، آفس میں زبردستی جنسی تعلقات بنانے کی کوشش کی

بالی ووڈ انڈسٹری کے مشہور کوریوگرافر گنیش آچاریہ کے خلاف درج کرائی گئی ایف آئی آر کو لے کر ممبئی پولیس نے بات کی ہے ۔ نیوز 18 انڈیا کے آشیش سنگھ نے ممبئی پولیس کے اے سی پی سنیل بونڈے سے اس سلسلہ میں بات چیت کی ۔ انہوں نے ایف آئی آر میں لگائے گئے سبھی الزامات کے بارے میں کھل کر بتایا ۔ انہوں نے بتایا کہ الزام لگانے والی خاتون ڈانسر کبھی ان کے ساتھ کام کرتی تھیں ۔ انہوں نے ایف آئی آر کی بنیاد پر پورے معاملہ کی جانکاری دی ۔

انہوں ے بتایا کہ متاثرہ سال 2009-10 میں گنیش آچاریہ کے ساتھ ڈانسر کے طور پر کام کرتی تھی ۔ ایک دن جب وہ گنیش آچاریہ کے اوشی وارہ میں واقع دفتر پر پہنچی تو گنیش آچاریہ تیز آواز میں پورن دیکھ رہے تھے ۔ ایف آئی آر کے مطابق انہوں نے متاثرہ کو بھی پورن دیکھنے کیلئے مجبور کرتے ہوئے اس کے ساتھ زبردستی جسمانی تعلقات قائم کرنے کی کوشش کی ۔

ایف آئی آر میں لگائے گئے الزامات کے مطابق گنیش آچاریہ نے زبردستی پورن دکھانے کے ساتھ متاثرہ پر جنسی تعلقات قائم کرنے کیلئے دباو بنایا ۔ ایسا نہ کرنے پر وہ مسلسل اس کو دھمکی دینے لگے ۔ متاثرہ کسی طرح سے وہاں سے نکلنے میں کامیاب رہی ۔ لیکن معاملہ یہیں ختم نہیں ہوا ۔ متاثرہ کا الزام ہے کہ کچھ دنوں پہلے گنیش آچاریہ کے کہنے پر دو لوگوں نے متاثرہ کے ساتھ مار پیٹ بھی کی تھی ۔

ممبئی پولیس کی جانب سے اس سلسلہ میں کارروائی سے متعلق سوال پر انہوں نے بتایا کہ ہم نے پوچھ گچھ کیلئے بلایا ہے ۔ قانونی طریقہ سے جانچ ہوگی اور کارروائی کی جائے گی ۔ خیال رہے کہ گنیش آچاریہ پر اس کے علاوہ بھی کئی دیگر طرح کے الزامات عائد ہوتے رہے ہیں ۔

یہ بھی پڑھیں : کبھی ویٹر تو کبھی لاٹری بیچتی تھی بالی ووڈ کی یہ بولڈ اداکارہ ، آج ہے لاکھوں دلوں کی دھرکن

کئی ابھرتے ہوئے ڈانسرس اور جونیئر ڈانسرس کے گروپ نے ان پر پروڈیوسر سے زیادہ پیسے لے کر انہیں کم پیسے دینے کا بھی الزام عائد کیا ہے ۔ ایک گروپ نے نیوز 18 سے براہ راست بات چیت میں کہا کہ گنیش پروڈیوسرس سے جونیئر ڈانسروں کیلئے ایک دن کا 5000 ہزار لیتے ہیں ، لیکن جن سے کام کراتے ہیں ان کو 2500 ہزار روپے ہی دیتے ہیں ۔

ادھر اس سلسلہ میں گنیش آچاریہ نے بھی اپنا بیان جاری کیا ہے ۔ انہوں نے کہا کہ یہ سب میرے خلاف کی جارہی ایک بڑی سازش کا حصہ ہے ، میں پہلے اس معاملہ پر میڈیا کو پوری بات بتا چکا ہوں ، ان دنوں کئی لوگ میری شبیہ خراب کرنے میں لگے ہوئے ہیں اور اس طرح کے غلط الزامات لگا رہے ہیں ۔ یہ فلمی دنیا سے ہی وابستہ ایک معاملہ ہے ۔ میں نے ان لوگوں پر ڈانسرس کے مفادات کو نقصان پہنچانے کا الزام لگاتے ہوئے ان کے خلاف آواز اٹھائی تو انہوں نے اس طرح کی سازش شروع کردی ۔

یہ بھی پڑھیں : بالی ووڈ اداکارہ سارا علی خان کو سب کے سامنے گود میں اٹھا کر اس اداکار نے کیا دھماکہ دار ڈانس ، ویڈیو وائرل