کنگنا رناوت کے پی او کے والے بیان پر بھڑکیں اداکارہ رینوکا شہانے تو "پنگا کوئن" نے سنادی کھری کھری

بالی ووڈ اداکارہ کنگنا رناوت (Kangana Ranaut) گزشتہ کافی وقت سے سرخیوں میں ہیں ۔ سشانت کیس (Sushant Case) میں پہلے اقربا پروری اور پھر بالی ووڈ کے ڈرگس اینگل پر بیان دینے کے بعد حال ہی میں انہوں نے ممبئی کا موازنہ پی او کے سے کرڈالا ، جس کے بعد سوشل میڈیا پر یوزرس کے ساتھ ساتھ بالی ووڈ سلیبریٹیز بھی ان کی کلاس لگا رہے ہیں ۔ کنگنا کے اسی ٹویٹ کے بعد ہم آپ کے ہیں کون فلم کی اداکارہ رینوکا شہانے  (Renuka Shahane) نے انہیں غصہ کا اظہار کرکے گھیرا تو کنگنا نے انہیں کھری کھری سنادی ۔

دراصل کنگنا کے پی او کے والے ٹویٹ کے بعد ادکارہ رینوکا شہانے نے ٹویٹ کرکے اداکارہ پر نشانہ سادھا اور کہا کہ ممبئی وہ شہر ہے ، جہاں پر آپ کا بالی ووڈ اسٹار بننے کا خواب پور ہے ! ایسے میں کوئی آپ سے اس بے مثال شہر کیلئے کچھ احترام کی امید ضرور کرے گا ۔ یہ انتہائی افسوسناک ہے کہ ممبئی کا موازنہ آپ نے پی او کے کے ساتھ کیسے کیا ۔ اس کے ساتھ اہی انہوں نے غصہ والی ایموجی بھی شیئر کی ۔

Dear @renukash ji when did criticising the poor administration of a government became equal to the place being administered , I don’t believe you are that naive, were you also waiting like a blood thirsty vulture to pounce and get a piece of my meat ? Expected better from you 🙂 https://t.co/wkR7u05rTB

— Kangana Ranaut (@KanganaTeam) September 3, 2020

رینوکا شہانے کے اس ٹویٹ کے بعد کنگنا نے جوابی حملہ کیا اور لکھا : رینوکا جی ، کسی جگہ کی خراب انتظامیہ کی تنقید کرنا اس شہر یا جگہ کی تنقید کرنا کب سے ہوگیا ؟ کیا آپ بھی خون کے ان پیاسے گدھوں کی طرح میرے گوشت کے ٹکڑے کے ملنے کا انتظار کررہی تھیں ۔ آپ سے مجھے ایسی امید نہیں تھی ۔

Dear @KanganaTeam I am all for criticizing Govts. But "why Mumbai is feeling like POK" seems to me like a direct comparison between Mumbai & POK. Your comparison was really in bad taste. As a Mumbaikar I did not like it! Maybe it was naive of me to expect any better from you. https://t.co/E9feLKsurv

— Renuka Shahane (@renukash) September 3, 2020

کنگنا کے اس ٹویٹ پر رینوکا نے پھر جواب دیا اور کہا : کنگنا میں سرکار کی تنقید کرنے کیلئے تیار ہوں ، لیکن کیوں ممبئی پی او کے کی طرح محسوس ہورہا ہے ؟ مجھے ممبئی اور پی او کے کے درمیان ایک براہ راست موازنہ لگتا ہے ۔ آپ کا موازنہ کرنا حقیقت میں خراب تھا ۔ ممبئی کے باشندہ کے طور پر مجھے یہ پسند نہیں آیا ۔ شاید آپ سے کسی بھی بہتر کی امید کرنا غلط ہی تھا ۔