ماڈل نے پنکھے سے لٹک کر دی جان! خودکشی نوٹ میں لکھا- ’خوش نہیں ہوں، صرف سکون چاہئے‘

نوجوان اپنے خوابوں کو پورا کرنے کے لئے ممبئی کی چمک دمک سے بھری دنیا میں داخل ہوتے ہیں۔ کئی اپنی منزل پالیتے ہیں، تو کئی لوگوں کے خواب بکھر جاتے ہیں۔ ممبئی میں 30 سال کی ایک ماڈل کی خودکشی کی خبر سامنے آئی ہے، جس نے گلیمر کی دنیا کے سیاہ پہلو سے ایک بار پھر سب کا کرایا ہے۔

میڈیا رپورٹس کے مطابق، ماڈل نے خودکشی کرنے سے پہلے ایک خودکشی نوٹ لکھا تھا، جسے ممبئی پولیس نے برآمد کرلیا ہے۔ سوسائڈ نوٹ میں ماڈل نے خودکشی کے لئے کسی کو ذمہ دار نہیں ٹھہرایا ہے۔ وہ اپنی زندگی سے کافی مایوس تھیں۔

ماڈل کی لاش پنکھے سے لٹکی ملی

ماڈل کا نام آکانشا موہن ہے، جو 30 سال کی ہیں، جنہیں ممبئی کے چار بنگلہ ایریا کے ایک ہوٹل میں پنکھے سے لٹکی پائی گئی۔ وہ ہوٹل میں ایک کمرہ کرایے پر لے کر رہ رہی تھیں۔ ورسووا پولیس معاملے کی جانچ میں مصروف ہے۔

منیجر کے کہنے پر ہوٹل پہنچی پولیس

میڈیا رپورٹ کے مطابق، ماڈل بدھ سے ہوٹل کے کمرے میں رہ رہی تھیں۔ ہوٹل کے ویٹر نے جب اگلی صبح کمرے کی گھنٹی بجائی تو کسی نے کوئی جواب نہیں دیا۔ اس کے بعد ہوٹل کے منیجر نے پولیس کو جانکاری دی۔ ممبئی پولیس جب ماسٹر چابی کا استعمال کرکے کمرے میں داخل ہوئی تو انہیں ماڈل کی لاش پنکھے سے لٹکی ہوئی ملی۔

اپنی زندگی سے خوش نہیں تھی ماڈل

پولیس نے کمرے سے جو سوسائڈ نوٹ برآمد کیا ہے، اس میں ماڈل نے کسی کو اپنے خود کشی کے لئے ذمہ دار نہیں ٹھہرایا ہے۔ سوسائڈ نوٹ میں لکھا ہے- معاف کریں، کوئی بھی اس کے لئے ذمہ دار نہیں ہے۔ صرف سکون چاہتی ہوں، اپنی زندگی سے خوش نہیں تھی۔ واضح رہے کہ ممبئی پولیس نے پوسٹ مارٹم کے لئے لاش بھیج دی ہے۔ پولیس فی الحال ہر طرح سے معاملے کی جانچ کر رہی ہے۔