لگتا ہے کنگنا رانوت مہاراشر کی اگلی وزیر اعلیٰ ہوں گی، رام گوپال ورما نے بالی ووڈ کو لےکرکیا ایسا ٹوئٹ

ممبئی: بالی ووڈ اداکارہ کنگنا رانوت (Kangana Ranaut) کے آفس پر بی ایم سی (BMC) نے بدھ کو توڑ پھوڑ کی ہے۔ ان کے ممبئی پہنچنے سے پہلے ہی بی ایم سی کے ملازمین نے کنگنا رانوت کے دفتر کے غیر قانونی حصے پر کارروائی شروع کردی تھی۔ وہیں کنگنا رانوت نے بھی اس معاملے پر سوشل میڈیا (Social Media) کے ذریعہ اس معاملے پر اپنا جواب دے دیا ہے۔ انہوں نے ادھو ٹھاکرے کا غرور ٹوٹنے کی بات کہی ہے۔ وہیں اب جانے مانے فلم میکر رام گوپال ورما (Ram Gopal Varma) نے بھی اس پورے معاملے پر ردعمل ظاہر کیا ہے۔ انہوں نے کنگنا رانوت کو مہاراشٹر کی اگلی وزیر اعلیٰ بتاکر بالی ووڈ (Bollywood) پر طنز کسا ہے۔

رام گوپال ورما نے ٹوئٹ کرتے ہوئے لکھا- ’لگتا ہے کہ کنگنا رانوت مہاراشٹر کی اگلی وزیر اعلیٰ ہوں گی اور جب یہ ہوگا ایسے میں BOLLYWOODIANS کو TIMBEKTOO میں شفٹ ہونا پڑے گا’۔ یہاں دیکھیں رام گوپال ورما کے ذریعہ شیئر کیا گیا پوسٹ۔

Looks like KANGANA for sure is going to be the next CM of MAHARASHTRA and when that happens all BOLLYWOODIANS will have to shift to TIMBEKTOO

— Ram Gopal Varma (@RGVzoomin) September 9, 2020

رام گوپال ورما کے اس پوسٹ پر انہیں زبردست ردعمل مل رہے ہیں۔ کسی نے ان کی بات کی حمایت کی تو کسی نے منفی (نگیٹیو) تبصرہ کیا ہے۔ جہاں ایک طرف کنگنا رانوت کے معاملے میں بالی ووڈ کی خاموشی پر سوال اٹھ رہے ہیں تو وہیں کنگنا رانوت کو کئی شخصیات کی بھی حمایت مل رہی ہے۔

واضح رہے کہ کنگنا رانوت ممبئی پہنچ چکی ہیں اور اپنے آفس کی ٹوٹی ہوئی بلڈنگ کے کئی ویڈیوز کے ساتھ ساتھ ایک ویڈیو میں اپنا بیان بھی جاری کیا ہے۔ اس بیان یمں انہوں نے کہا- ’ادھو ٹھاکرے، تجھے کیا لگتا ہے کہ تو نے مووی مافیا کے ساتھ مل کر میرا گھر توڑ کر مجھ س بہت بڑا بدلا لیا ہے۔ آج میرا گھر ٹوٹا ہے، کل تیرا گھمنڈ ٹوٹے گا... یہ وقت کا پہیہ ہے۔ یاد رکھنا ہمیشہ ایک جیسا نہیں رہتا’۔