سالوں کے بعد آدھی رات کو اچانک عامر خان کے گھر پہنچے سلمان خان، جانئے کیا ہے وجہ؟

نئی دہلی : سلمان خان اور عامر خان کا شمار کبھی انڈسٹری کے بہترین دوستوں میں ہوتا تھا، لیکن بالی ووڈ کے دیگر رشتوں کی طرح سلمان اور عامر کی دوستی بھی زیادہ دیر قائم نہیں رہ سکی۔ کہا جاتا ہے کہ ان دونوں کے درمیان برسوں سے سرد جنگ جاری ہے۔ بالی ووڈ کے ان دو بڑے ستاروں کے درمیان یہ سرد جنگ اس وقت شروع ہوئی جب ان دونوں کی ایک ہی جیسی فلمیں ایک ہی سال ریلیز ہوئی تھیں۔

دراصل یہ پورا واقعہ 2016 کا ہے۔ سلمان خان کی کشتی پر مبنی فلم 'سلطان' 2016 میں ریلیز ہوئی تھی اور عامر خان کی فلم 'دنگل' بھی اسی سال دسمبر میں آئی تھی۔ 'دنگل' پہلوان گیتا پھوگاٹ اور ببیتا پھوگاٹ کی زندگی پر مبنی فلم تھی۔ عامر خان کی فلم نے کافی اچھی کارکردگی بھی دکھائی تھی۔ میڈیا رپورٹس کے مطابق سلمان خان عامر سے ناراض ہوگئے تھے کہ انہوں نے 'سلطان' کے موضوع سے ملتی جلتی فلم بنائی ۔

 

View this post on Instagram

 

A post shared by Viral Bhayani (@viralbhayani)

حالانکہ بعد میں سلمان خان نے خود کہا تھا کہ ان کے اور عامر خان کے درمیان کوئی تنازع نہیں ہے، لیکن 2016 کے بعد سے عامر اور سلمان کو کبھی ایک ساتھ نہیں دیکھا گیا۔ اب 7 سال کے جھگڑے کے بعد سلمان خان گزشتہ رات یعنی 24 جنوری کی رات اچانک عامر خان کے گھر پہنچ گئے۔ اس خبر نے اب بی ٹاؤن میں تہلکہ مچادیا ہے۔ سب کے ذہن میں ایک ہی سوال ہے کہ آخر ایسا کیا ہوا کہ سلمان خان کو آدھی رات کو عامر کے گھر جانا پڑا؟

بتا دیں کہ سلمان خان کے علاوہ مکیش بھٹ بھی عامر خان کے گھر پہنچے تھے۔ ایسے میں لوگوں کے ذہن میں یہ سوال پیدا ہونا لازمی ہے کہ کیا یہ دونوں ایک ساتھ کوئی فلم کرنے جا رہے ہیں؟ یہ خبر سامنے آتے ہی سوشل میڈیا پر بھی خبروں اور بحثوں کا بازار گرم ہو گیا ہے۔

یہ بھی پڑھئے: کاسٹنگ کاوچ پر چھلکا اداکارہ کا درد، سنائی درد بھری کہانی، کام کے بدلے ڈیمانڈ سن کر...

یہ بھی پڑھئے: 40 سال کی عمر میں اس مشہور اداکارہ نے کرایا ایسا فوٹوشوٹ، فینس کے اڑگئے ہوش!

اب بہت سے سوشل میڈیا صارفین نے عامر اور سلمان خان کی فلم 'انداز اپنا اپنا' کے ریمیک کے بارے میں قیاس آرائیاں شروع کر دی ہیں۔