سشانت سنگھ راجپوت کی موت کے بعد اب کرتی سینن سے لوگ پوچھ رہے ہیں عجیب و غریب سوالات ، جانئے کیوں

بالی ووڈ اداکار سشانت سنگھ راجپوت اب اس دنیا میں نہیں ہیں ۔ اتوار کو انہوں نے خودکشی کرلی ۔ کوئی بھی ان کے ذریعہ اٹھائے گئے اس قدم پر یقین نہیں کرپا رہا ہے ۔ جہاں ایک طرف فینس اپنے سوالات کے جواب ڈھونڈنے کی کوشش کررہے ہیں ، تو وہیں دوسری طرف بالی ووڈ سے وابستہ سلیبریٹیز سوشل میڈیا پر اپنے غم کا اظہار کررہے ہیں ۔ اسی درمیان اداکارہ کرتی سینن انٹرنیٹ پر زبردست سرخیوں پر آگئی ہیں ۔ ہر کوئی ان سے عجیب و غریب سوال کررہا ہے ۔ وہیں اب ان لوگوں کو کرتی سینن کی بہن نوپور سینن نے منہ توڑ جواب دیا ہے۔

دراصل حال ہی میں نوپور نے اپنے انسٹاگرام اکاونٹ پر ایک اوپن لیٹر شیئر کیا ہے ، جس میں لکھا ہے کہ کل سے اچانک لوگوں نے سوشل میڈیا پر ڈپریشن کو لے کر بحث شروع کردی ہے اور اس درمیان ایسے لوگ بھی ہیں ، جو پہلے سے ہی صدمہ اور غم جھیل رہے انسان کو مزید اذیت پہنچا رہے ہیں ۔ یہ لوگ ٹویٹر اور انسٹاگرام پر میسیج کے ذریعہ پریشان کررہے ہیں ۔

 

View this post on Instagram

 

A post shared by Nupur Sanon (@nupursanon) on Jun 14, 2020 at 11:38pm PDT

نوپور سینن کے مطابق لوگ کہہ رہے ہیں کہ آپ بے رحم ہو ، ایک پوسٹ تک نہیں ڈالا تم لوگوں نے ، ایک رد عمل تک نہیں دیا ، کتنے پتھر دل ہو ۔ ایسے تبصرے اور میسیج مسلسل مل رہے ہیں ، جس سے میں اور میرا کنبہ دکھی ہے ۔ انہوں نے اس پوسٹ کے آخر میں طنز کرتے ہوئے لھا کہ آپ کی اجازت ہو تو ہم سکون سے رو سکتے ہیں ، پلیز ۔

بتادیں کہ سشانت سنگھ راجپوت کی کو اسٹار اور مبینہ طور پر گرل فرینڈ رہ چکیں اداکارہ کرتی سینن ان کی موت کی خبر سے اس قدر صدمے میں ہیں کہ انہوں نے ابھی تک کوئی پوسٹ شیئر نہیں کی ہے ۔ اس کو لے کر لوگ سوالات اٹھا رہے ہیں ، لیکن جیسا کہ نوپور نے کہا کہ سبھی سمجھنا چاہئے کہ یہ خبر ہر کسی کیلئے گہرا صدمہ ہے ، ایسے میں کچھ لوگوں کو اس صدمہ سے باہر آنے کیلئے تھوڑے وقت کی ضرورت ہے ۔

یہ بھی پڑھیں : ۔ 

اداکار سشانت سنگھ راجپوت کے ساتھ رہتے تھے یہ تین لوگ ، پولیس کو بتائی خودکشی کی وجہ

سشانت سنگھ راجپوت سے پہلے ان مشہور اداکار اور اداکاراوں نے بھی اچانک موت کو لگایا گلے

دنیا ہے نوجوت سنگھ سدھو کی بیٹی کی دیوانی ، تصویریں اڑا دیں گی ہوش ، جانئے کیا کرتی ہیں وہ