ٹھگس آف ہندوستان: عامر خان کا میکنگ ویڈیو ہوا رلیز، دیکھیئے کیسے عامر بنے فرنگی

عامر خان آج کل  اپنی آئندہ فلم ’ٹھگس آف ہندوستان‘ کے پروموشن میں بے حد مصروف ہیں۔ ایسے میں فلم کی رلیزسے دو دن قبل عامر خان کا ایک ویڈیو رلیز کیا گیا ہے۔  اس خاص ویڈیو میں عامر کے کردار فرنگی کو دکھایا گیا۔ یہ فلم کا ایک میکنگ ویڈیو ہے جس میں عامر خان کے کردار کو قریب سے دکھایا گیا ہے۔

اس ویڈیو میں عامر خان کے کردار فرنگی کے بارے میں بات کرتے ہوئے فاطمہ ثنا شیخ نے بتایا ’’ یہ کردار پوری طرح سے خراب ہے اور اس میں کوئی دماغ نہیں ہے۔ اسی وجہ سے کوئی بھی انسان ایسے آدمی کو کبھی اپنے قریب نہیں دیکھنا چاہے گا۔ نہ تو اپنے دوست بنانا پسند کرےگا‘‘۔

لیکن عامر خان کہتے ہیں ’’ ہر کسی میں ایک فرنگی ہوا ہے ہمیں بس اسے تلاش کرنے کی ضرورت ہوتی ہے۔ اس ویڈیو کو دیکھ کر یہ معلوم ہوتا ہے کہ عامر خان نے اپنے اس کردار کے لئے کتنی محنت کی ہے۔