سشانت سنگھ راجپوت معاملہ: سپریم کورٹ کو مرکز نے بتایا- سی بی آئی کے حوالے کردی جانچ

نئی دہلی: سشانت سنگھ راجپوت (Sushant Singh Rajput) خود کشی معاملے کی جانچ مرکزی تفتیشی بیورو (سی بی آئی) (CBI) کو سونپ دی گئی ہے۔ مرکزی حکومت کی طرف سے سالسٹر جنرل تشار مہتا نے سپریم کورٹ کو بتایا کہ بہار حکومت نے سی بی آئی (CBI) جانچ کی سفارش کی تھی۔ مرکز نے منظور کرلیا ہے اور جانچ کو سی بی آئی کے حوالے کردیا۔

Centre Accepts Bihar Govt Plea For CBI Probehttps://t.co/twRhnM2xtz

— CNNNews18 (@CNNnews18) August 5, 2020

سماعت کے دوران تشار مہتا نے کہا کہ ’اب ریا چکرورتی کی سپریم کورٹ میں عرضی کا کوئی مطلب نہیں رہ جاتا’۔ واضح رہے کہ ریا چکرورتی نے سپریم کورٹ میں عرضی داخل کرکے بہار کی جانچ کو ممبئی ٹرانسفر کرنے کا مطالبہ کیا تھا۔ اب بہار میں جانچ نہیں ہو رہی ہے کیونکہ بہار نے جانچ کو سی بی آئی کے پاس بھیج دیا ہے۔ وہیں ریا چکرورتی کے وکیل شیام دیوان نے بہار کے کیس کو ممبئی ٹرانسفر کرنے کا مطالبہ کیا۔ ان کا کہنا ہے کہ جب ممبئی پولیس جانچ کر رہی ہے تو پھر وہی جانچ ہونی چاہئے۔ 56 گواہ سے پوچھ گچھ ہو رہی ہے۔