اپنا ضلع منتخب کریں۔

    پاکستان کو اپنا گھر کہتا ہے بالی ووڈ سنگرعدنان سمیع کا بیٹا اذان: پڑھیں پوری خبر

    عدنان سمیع اور ان کا بیٹا اذان

    عدنان سمیع اور ان کا بیٹا اذان

    سنگرعدنان سمیع نے بھلے ہی ہندستان کی شہریت حاصل کر لی ہو۔ لیکن ان کے بیٹے اذان اب بھی پاکستان کو ہی اپنا گھر مانتے ہیں۔ عدنان سمیع اور ان کی پہلی اہلیہ اداکارہ زیبا بختیار کے بیٹے ہیں اذان سمیع۔

    • News18 Urdu
    • Last Updated :
    • Share this:
      گلوکار عدنان سمیع نے بھلے ہی ہندستان کی شہریت حاصل کر لی ہو۔ لیکن ان کے بیٹے اذان اب بھی پاکستان کو ہی اپنا گھر مانتے ہیں۔ عدنان سمیع اور ان کی پہلی اہلیہ اداکارہ زیبا بختیار کے بیٹے اذان سمیع نے بی بی سی کو دئے انٹرویو میں کہا، 'میں نے ابھی تک اس مسئلے پر کبھی کچھ اس لئے نہیں کہا کیونکہ وہ میرے والد  ہیں۔ انہوں نے یہ فیصلہ لیا کہ وہ کہاں رہنا چاہتے ہیں اور کس ملک کو اپنا گھر کہنا چاہتے ہیں۔ میں اس کی عزت کرتا ہوں لیکن میں اب جسے چننا (منتخب کرنا) چاہتا ہوں وہ میری پسند ہے۔ میں پاکستان میں کام کرنا چاہتا ہوں'۔
      اذان نے کہا 'ہندستان میں میرے کئی اچھے دوست ہیں۔ میں نے وہاں اپنی زندگی کا طویل وقت گزارا ہے۔ خاص طور پر کم عمری، لیکن مجھے ایسا محسوس ہوتا ہے کہ پاکستان کی فلم انڈسٹری میرا گھر ہے۔ میں چاہتا ہوں کہ میں اس انڈسٹری میں حصہ لوں جسے میں اپنا گھر کہتا ہوں۔ یہ میرے لئے بیحد فخر کی بات ہوگی'۔
      اذان  سے  جب  ہندستان۔پاکستان  کے درمیان بڑھتی  کشیدگی اورکشمیر مسئلے پرعدنان  سمیع کے  بیان  کے  بارے  میں پوچھا  گیا  تو  انہوں  نے  کہا،  'کیونکہ وہ میرے والد ہیں، یہ بہت دلچسپ ہوتا ہے کہ ایسے وقت میں آپ کے آس۔پاس کے لوگ کس طرح رد عمل کرتے ہیں۔ عام طور پر آپ کو الگ۔الگ چیز کیلئے پیغامات ملتے رہتے ہیں لیکن کئی ایسے دن رہے ہیں جب کچھ ہوتا ہے تب سناٹا رہا ہے'۔







      View this post on Instagram


      Sup


      A post shared by Azaan Sami Khan (@azaanskhn) on Sep 10, 2018 at 1:55am PDT




      جب اذان سے پوچھا گیا کہ کیا سیاسی نظریات کو لیکر والد کے ساتھ آپ کا بحث  ومباحثہ ہوتا ہے؟ اس پر اذان نے کہا، 'ہم جو بات کرتے ہیں، اسے ہم دونوں تک ہی رہنا چاہئے، میں اپنی ماں کے ساتھ  بڑا ہوا۔ ہمارا اور ان کا رشتہ دوست جیسا ہے، بھلے ہی ہم مہینوں بات نہیں کرتے ہوں لیکن جب کرتے ہیں تو دل کی گہرائیوں سے کرتے ہیں'۔

      पाकिस्तान को अपना घर कहता है अदनान सामी का बेटा
      First published: