உங்கள் மாவட்டத்தைத் தேர்வுசெய்க

    FIR On Rahul Jain: سنگر راہل جین پر’کاسٹیوم اسٹائلسٹ‘ نے لگایا گھر بلاکر ریپ کرنے کا الزام،کیس درج

    سنگر راہل جین پر لگا ریپ اور مارپیٹ کا الزام۔

    سنگر راہل جین پر لگا ریپ اور مارپیٹ کا الزام۔

    FIR On Singer Rahul Jain: بالی ووڈ کے ایک نغمہ نگار اور رائٹر نے راہل جین کے خلاف گزشتہ سال اکتوبر میں عصمت دری، جبری اسقاط حمل اور دھوکہ دہی سمیت مختلف الزامات کے تحت ایف آئی آر درج کرائی تھی۔

    • Share this:
      FIR On Singer Rahul Jain: بالی ووڈ گلوکار اور موسیقار راہول جین کے خلاف ایک 30 سالہ خاتون 'کاسٹیوم اسٹائلسٹ' کے ساتھ مبینہ طور پر زیادتی کے الزام میں ایف آئی آر درج کر لی گئی ہے۔ ایک اہلکار نے پیر کو یہ جانکاری دی۔ تاہم گلوکار نے ان الزامات کی تردید کرتے ہوئے انہیں ’جھوٹا اور بے بنیاد‘ قرار دیا۔

      ایک پولیس اہلکار نے ایف آئی آر کا حوالہ دیتے ہوئے کہا کہ شکایت کنندہ نے اوشیوارا پولیس اسٹیشن میں درج اپنے بیان میں کہا کہ جین نے ان سے انسٹاگرام پر رابطہ کیا تھا اور ان کے کام کی تعریف کی تھی۔ ملزم نے شکایت کنندہ کو مضافاتی اندھیری میں واقع اپنے فلیٹ پر بلایا تھا۔

      مارپیٹ کرنے اور ثبوت مٹانے کا بھی الزام
      افسر نے بتایا کہ خاتون 11 اگست کو جین کے فلیٹ پر گئی تھی۔ ملزم اسے اپنا سامان دکھانے کے بہانے اپنے بیڈ روم میں لے گیا اور پھر اس کے ساتھ زیادتی کی۔ پولیس کے مطابق خاتون ایک آزاد 'کاسٹیوم اسٹائلسٹ' کے طور پر کام کرتی ہے۔ خاتون نے کہا کہ جب اس نے احتجاج کیا تو جین نے اسے مارا پیٹا اور ثبوت کو مٹانے کی کوشش کی۔

      ان دفعات کے تحت درج ہوا کیس
      عہدیدار نے بتایا کہ پولیس نے جین کے خلاف تعزیرات ہند کی دفعہ 376،323 اور 506 کے تحت ایف آئی آر درج کی ہے۔ ملزم کو ابھی گرفتار نہیں کیا گیا ہے۔

      یہ بھی پڑھیں:

      رشبھ پنت اورUrvashi Rautelaکے درمیان سوشل میڈیا پر چھڑی جنگ،اداکارہ نے کہا-چھوٹو بھیا ۔۔۔

      یہ بھی پڑھیں:

      Sidharth-Kiara Video:عشق میں ڈوبے نظر آئے سدھارتھ ملہوترا-کیارا اڈوانی

      سنگر نے پہچاننے سے کیا انکار
      جب جین سے رابطہ کیا گیا تو انہوں نے کہا کہ میں اس خاتون کو نہیں جانتا۔ ان پر لگائے گئے الزامات جھوٹے اور بے بنیاد ہیں۔ اس سے پہلے بھی ایک خاتون نے مجھ پر ایسے ہی الزامات لگائے تھے لیکن مجھے انصاف ملا۔ یہ عورت اس کی ساتھی ہو سکتی ہے۔

      قابل ذکر ہے کہ بالی ووڈ کے ایک نغمہ نگار اور رائٹر نے راہل جین کے خلاف گزشتہ سال اکتوبر میں عصمت دری، جبری اسقاط حمل اور دھوکہ دہی سمیت مختلف الزامات کے تحت ایف آئی آر درج کرائی تھی۔
      Published by:Shaik Khaleel Farhaad
      First published: