ملک چھوڑ کر بھاگنے کے الزامات پر عدالت میں جیکلن نے کیا کہا؟ جانیے اہم باتیں

بالی ووڈ اداکارہ جیکلن فرنانڈیز کو 200 کروڑ کے منی لانڈرنگ معاملے میں راحت مل گئی ہے۔ اس معاملے کی سماعت کرتے ہوئے آج دلی پٹیالہ کورٹ نے ای ڈی سے پوچھا کہ اگر بالی ووڈ اداکارہ جیکلن فرنانڈیز کے خلاف مناسب ثبوت تھے تو انہیں گرفتار کیوں نہیں کیا گیا؟ آپ کو بتاتے ہیں کہ کورٹ میں کیا کیا ہوا۔

جانیے  اہم باتیں

1. جیکلن فرنانڈیز کو دلی کے پٹیالہ کورٹ سے راحت مل گئی ہے۔ عدالت نے جیکلن کی ضمانت کی درخواست منظور کرلی۔ فی الحال اداکارہ عبوری ضمانتپر ہی رہیں گی۔ جیکلن کو عدالت سے ملی عبوری ضمانت 10 نومبر کو ختم ہوگئی تھی۔


2. اب 15 نومبر کو اس معاملے پر فیصلہ آسکتا ہے۔


3. ای ڈی نے آج عدالت میں جیکلن کی ضمانت کی مخالفت کی۔ ای ڈی کا کہنا ہے کہ ضمانت ملنے کے بعد اداکارہ ثبوتوں کے ساتھ چھیڑ چھاڑ کرسکتی ہیں اور بیرون ملک بھاگ سکتی ہیں۔


4. ای ڈی کے الزامات پر اداکارہ کے وکیل نے کہا کہ ملک چھوڑکر بھاگنے والے الزام بالکل بے بنیاد ہیں۔ اداکارہ نے کہا کہ وہ جانچ میں اپنا پورا تعاون دے رہی ہیں۔


5. اداکارہ نے یہ بی الزام لگائے کہ عدالت نے انہیں ضمانت دی ہے، لیکن ای ڈی انہیں پریشان کررہا ہے۔


6. عدالت نے ای ڈی سے پوچھا کہ اگر جب اداکارہ کو لُک آوٹ نوٹس بھیجا گیا تھا تو گرفتاری کیوں نہیں کی گئی۔


7. عدالت نے یہ بھی پوچھا کہ اس معاملے میں جانچ کہاں تک پہنچی ہے؟

یہ بھی پڑھیں:
سلمان خان کے شو بگ باس میں جلد نظر آئیں گی سنی لیون!اس ایکٹر کے ساتھ لیں گی انٹری

یہ بھی پڑھیں:
دی کرو کے پوسٹر میں ایسا کیا نظر آیا کہ ٹرول ہوگئیں کرینہ کپور، یوزرس کا آیا ایسا ردعمل

بتادیں کہ جیکلن پر الزام ہے کہ انہیں 200 کروڑ کے منی لانڈرنگ کیس کے ملزم سوکیش سے ملنے کے 10 دنوں کے اند رہی اس کی کریمنل ہسٹری کے بارے میں بتادیا گیا تھا۔ باوجود اس کے اداکارہ اس کے رابطے میں رہی اور مہنگے تحفے بھی لیتی رہیں۔ اس کیس میں ملزم سوکیش چندرشیکھر سلاخوں کے پیچھے ہے۔ سوکیش پر الزام ہے کہ اس نے بااثر شخصیات کے ساتھ دھوکہ دہی کی ہے۔