کشمیر کے گلمرگ میں اپنے شوہر کے ساتھ کچھ اس انداز میں نظر آئیں ثنا خان ، تصویر ہوئی وائرل

بالی ووڈ کو الوداع کہہ دینے والی مشہوراداکارہ ثنا خان اپنے شوہر مفتی انس کے ساتھ ہنی مون منانے کی غرض سے ان دنوں کشمیر میں ہیں ۔ سرینگرکی سیر و تفریح کے بعد ثنا خان اوران کے شوہرمفتی انس سیاحتی مقام گلمرگ پہنچے ، جہاں دونوں نے گلمرگ میں برفباری اور یہاں کی قدرتی خوبصورتی کاخوب لطف اٹھایا ۔  ثنا خان نے یہاں برفیلی ڈھلانوں پر اپنے شوہر کے ساتھ کافی فوٹوگرافی بھی کی ۔  انہوں نے ان تصاویر کو اپنے انسٹاگرام اکاونٹ پرشیئرکئے ہیں ۔ ثناخان نے گلمرگ کی تصایرشئیر کرکے اسے جنت سے تعبیر کیا ۔ سوشل میڈیا پرکافی تیزی سے گلمرگ کی یہ تصاویر وائرل ہوئی ہیں ۔

ثنا خان گرم ملبوسات پہن کر گلمرگ کی حسین وادیوں سے لطف اندوزہورہی ہیں ۔ ثنا خان اس سے پہلے سرینگرمیں بھی تھیں ، جہاں انہوں نے سیاحتی مقامات کی تفریح کی اورسرینگر مارکٹ میں کافی شاپنگ بھی کی ۔ ثنا خان نے اپنے شوہر کے ساتھ گلمرگ میں اے ٹی وی موٹربائک اورگنڈولہ کی بھی سواری کی ۔

ثنا خان کودیکھ کرگلمرگ میں مقامی لوگ کافی خوش نظرآئے ۔ ان کا کہنا تھا کہ آج تک انہوں نے ثنا خان کو صرف فلموں میں دیکھا ، لیکن آج ان کیلئے اچھا موقع تھا کہ انہوں نے ثنا خان کو قریب سے دیکھا اور ان کے ساتھ باتیں کیں ۔ گلمرگ میں سیاحت سے وابستہ لوگوں کا مزید کہنا تھا کہ ان کیلئے بڑی خوشی کی بات ہے کہ یہاں ملک کے سلیبریٹیز آرہے ہیں ، جس سے یہاں کی سیاحت میں مزید اضافہ ہورہا ہے ۔

واضح رہے کہ بالی ووڈ کی سابق اداکارہ ثناخان نے گزشتہ اکیس نومبر کو گجرات کے سورت میں مفتی انس سے اچانک شادی کرلی تھی ۔ انہوں نے مفتی انس کےساتھ نکاح کرکے اپنی زندگی کے نئے سفر کا آغاز کیا ۔غور طلب بات یہ ہے کہ ثنا خان کو ریئلٹی شوبگ باس کے سیزن چھ سے شہرت حاصل ہوئی تھی جبکہ انہوں نے متعدد فلموں میں بھی اداکاری کے جوہر دکھائے ہیں ، جن میں بمبئی ٹو گوا، ہلا بول، جئے ہو اور وجہ تم ہو قابل ذکر ہیں ۔