‘پی ایم مودی کی بالی ووڈ اور اسپورٹس اسٹارس سے گزارش، پولنگ بوتھ پر کر دیں ’ٹوٹل دھمال

لوک سبھا انتخابات کے لئے ووٹنگ ہونے میں کچھ ہی دن باقی ہیں۔ لوک سبھا الیکشن میں زیادہ سے زیادہ لوگ ووٹ کرنے کے لئے آئیں، اس کے لئے وزیر اعظم نریندر مودی نےبالی ووڈ اور کھیل سے منسلک مشہور شخصیات سے اپیل کی ہے کہ وہ لوگوں کو ووٹ ڈالنے کے ان کی حوصلہ افزائی کریں۔

اتوار کو وزیر اعظم مودی نے ’ہیش ٹیگ ووٹ کر‘ مہم شروع کرتے ہوئے 16 ٹویٹ کئے۔ وزیر اعظم مودی نے تقریبا 40 شخصیات اور اداروں کو اپنے ٹویٹ میں ٹیگ کیا ہے۔

اپنے پہلے ٹویٹ میں وزیر اعظم مودی نے لکھا، ’’ میرے ساتھی ہندوستانیوں، ’ہیش ٹیگ ووٹ کر‘ کی آواز دینے کا وقت آگیا ہے۔ آنے والے لوک سبھا الیکشن میں آپ اور آپ کے اہل خانہ اور دوست ریکارڈ تعداد میں ووٹ ڈالنے کے لئے یقینی طور پر جائیں، آپ کا ایسا کرنا ملک کے مستقبل پر مثبت اثر ڈالے گا‘‘۔

My fellow Indians,

The time has come to say- #VoteKar.

In the upcoming Lok Sabha elections, ensure that you as well as your family and friends turnout in record numbers.

Your doing so will have a positive impact on the nation’s future.

— Chowkidar Narendra Modi (@narendramodi) March 24, 2019

وزیر اعظم مودی نے الگ- الگ ٹویٹ میں انوپم کھیر، کبیر بیدی، ریتک روشن، آر مادھون اور شیکھر کپور جیسے تمام اسٹارس کو ٹیگ کیا۔ وزیر اعظم مودی نے ان سے اپیل کرتے ہوئے کہا کہ الیکشن میں لوگوں کو بڑی تعداد میں ووٹ ڈالنے کے لئے ان کی حوصلہ افزائی کریں۔ 

وزیر اعظم مودی نے فلم ’ٹوٹل دھمال‘ کی اسٹار کاسٹ کو بھی اپنے ٹویٹ میں ٹیگ کیا۔ انہوں نے انل کپور، اجے دیوگن اور مادھوری دکشت کو ٹیگ کرتے ہوئے کہا کہ باکس آفس پر ٹوٹل دھمال مچانے کے بعد اب پولنگ بوتھ پر ٹوٹل دھمال مچانے کا وقت ہے‘‘۔

Dear @AnilKapoor, @ajaydevgn & @MadhuriDixit,

After the box office, it is time to create Total Dhamaal at the polling booths.

Your support to the #VoteKar movement will augur well for India’s democracy.

Let us ensure high voter turnout!

— Chowkidar Narendra Modi (@narendramodi) March 24, 2019