உங்கள் மாவட்டத்தைத் தேர்வுசெய்க

    Salman Khanکے ساتھ ایسا ہے شاہ رُخ خان کا بانڈ، کہا’وہ میری فیملی جیسا ہے۔۔۔جب ایک غلطی کرتا ہے تودوسرا بڑا بھائی بن جاتا ہے‘

    شاہ رخ خان نے سلمان خان کے ساتھ ان کی بانڈنگ پر کیا یہ بڑا دعویٰ۔

    شاہ رخ خان نے سلمان خان کے ساتھ ان کی بانڈنگ پر کیا یہ بڑا دعویٰ۔

    Shah Rukh Khan On Salman Khan: شاہ رخ خان کی 'پٹھان' اگلے سال 25 جنوری 2023 کو سینما گھروں میں دستک دے گی۔ یہ فلم ہندی کے علاوہ تامل اور تیلگو زبانوں میں بھی ریلیز کی جائے گی۔ فلم میں شاہ رخ کے علاوہ دیپیکا پڈوکون، جان ابراہم اور ڈمپل کپاڈیہ نظر آئیں گے۔

    • Share this:
      Shah Rukh Khan On Salman Khan:'فوجی' سے اپنے کیریئر کا آغاز کرنے والے شاہ رخ خان نے 25 جون کو اپنے فلمی کریئر کے 30 سال مکمل کر لیے ہیں۔ اس موقع پر شاہ رخ(Shah Rukh Khan) کی آنے والی فلم 'پٹھان'(Pathaan) کا موشن پوسٹر ریلیز کیا گیا، ساتھ ہی کنگ خان نے کافی عرصے بعد فینس سے بات چیت کی۔

      'پٹھان' کا موشن پوسٹر ریلیز ہونے کے بعد کنگ خان انسٹاگرام پر لائیو آئے اور مداحوں کے تمام سوالوں کے جواب دیے۔ سیشن کے دوران کنگ خان نے اس بات کی بھی تصدیق کی کہ سلمان خان بھی 'پٹھان' میں نظر آنے والے ہیں، حالانکہ ان کا کردار کیا ہوگا اور کتنا ہوگا اس پر ابھی تک سسپنس برقرار ہے۔

      دراصل، ایک فین نے شاہ رخ سے پوچھا کہ سلمان خان کے ساتھ کام کرنے کا تجربہ کیسا رہا؟ اس کے جواب میں کنگ خان نے کہا، 'سلمان کے ساتھ کام کرنا ہمیشہ ایک پیارا تجربہ ہوتا ہے، بھائی جیسا تجربہ ہوتا ہے۔ ان کے ساتھ کام کرنا ہمیشہ ہی اچھا لگتا ہے۔ سچ پوچھیں تو کرن ارجن کے علاوہ ہم نے کبھی بھی فل فلج فلموں میں ایک ساتھ کام نہیں کیا۔ لیکن پچھلے دو سال شاندار رہے ہیں۔ میں نے ان کی ایک فلم میں کام کیا۔ مجھے نہیں معلوم کہ یہ کوئی راز ہے، لیکن انشاء اللہ میں 'ٹائیگر 3' میں بھی نظر آؤں گا، اس لیے ان کے ساتھ کام کرنا ہمیشہ شاندار رہتا ہے۔‘



       




      View this post on Instagram





       

      A post shared by Shah Rukh Khan (@iamsrk)





      کنگ خان کا مزید کہنا تھا کہ 'اس سے پہلے کہ میں سلمان کے بارے میں مزید بات کروں، بتاتا چلوں کہ سلمان میری فیملی کی طرح ہیں، ہم نہیں جانتے کہ ہم میں سے بڑا بھائی کون ہے۔ حالات کے مطابق ہم ایک دوسرے کے بڑے بھائی بن جاتے ہیں۔ جب ایک غلطی کرتا ہے تو دوسرا اس کا بڑا بھائی بن جاتا ہے۔‘

      یہ بھی پڑھیں:
      Salman Khan First Salary:بچوں کے پاکٹ منی سے بھی کم تھی سلمان خان کی پہلی کمائی

      یہ بھی پڑھیں:
      Malaika Aroraنے برتھ ڈے سے پہلے ہی بوائے فرینڈ ارجن کپور کو دیا ایسا سرپرائز

      بتادیں کہ شاہ رخ خان کی 'پٹھان' اگلے سال 25 جنوری 2023 کو سینما گھروں میں دستک دے گی۔ یہ فلم ہندی کے علاوہ تامل اور تیلگو زبانوں میں بھی ریلیز کی جائے گی۔ فلم میں شاہ رخ کے علاوہ دیپیکا پڈوکون، جان ابراہم اور ڈمپل کپاڈیہ نظر آئیں گے۔ یش راج فلمز کے بینر تلے بننے والی اس فلم میں سلمان خان ایک مختصر کردار میں نظر آئیں گے۔
      Published by:Shaik Khaleel Farhaad
      First published: