‘اوڈیشہ میں شاہ رخ خان کو ملی دھمکی- ’یہاں آئے تو چہرہ پر پھینکی جائے گی سیاہی

اوڈیشہ کی ایک مقامی تنظیم نے اداکار شاہ رخ خان کو دھمکی دی ہے۔ کلنگ سینا نام کی اس تنظیم نے کہا کہ اگر وہ آئندہ ہفتے یہاں ہونے والے ورلڈ کپ میں آتے ہیں تو انہیں سیاہ پرچم دکھائے جائیں گے اوران پر سیاہی پھینکی جائےگی۔

کلنگ سینا کے سربراہ ہیمنت رتھ نے کہا کہ خان نے آج سے 17 سال قبل رلیز ہوئی فلم ’اشوکا‘ میں اوڈیشہ اور یہاں کے لوگوں کی توہین کی تھی۔ تنظیم نے اس سے متعلق ایک نومبر کو پولیس میں رپورٹ بھی درج کرائی ہے۔

سال 2001 میں رلیز ہوئی فلم ’اشوکا‘ کی اوڈیشہ میں اس وقت شدید مخالفت ہوئی تھی۔ صرف ایک ہفتے بعد ہی فلم کو سنیما ہال سے ہٹا لیا گیا تھا۔ آپ کو بتا دیں کہ وزیر اعلیٰ نوین پٹنائک نے شاہ رخ خان کو یہاں آنے کے لئے مدعو کیا ہے۔ ہاکی ورلڈ کپ بھونیشور کے کلنگا اسٹیڈیم میں 28 نومبر سے 16 دسمبر تک چلےگا۔