سنیل گروور نے شئیر کی تصویر، لاک ڈاون میں گھر سے باہر نکلتے ہی یوں پڑے پولیس کے ڈنڈے

کرونا وائرس (Coronavirus) کے مدنظر ان دنوں ملک میں 21 دنوں کے لاک ڈاون ( Lockdown) کا اعلان کیا گیا ہے۔ یہ لاک ڈاون اس وائرس سے لوگوں کو بچانے کے لئے ہی لگایا گیا ہے لیکن اس کے بعد بھی مسلسل ایسی تصویریں اور ویڈیوز سامنے آ رہے ہیں جن میں لوگ گھر سے باہر نکل رہے ہیں۔ یہاں تک کہ کئی بار پولیس کو لوگوں پر لاٹھی بھی برسانی پڑی ہے۔ ایسے میں بالی ووڈ کے کئی ستاروں نے اپنے سوشل میڈیا اکاونٹ سے لوگوں کو یہ بتانے کی کوشش کی ہے کہ گھر سے باہر نہ نکلیں اور اس لاک ڈاون پر پوری طرح سے عمل کریں۔ لیکن سنیل گرورو (Sunil Grover) نے لوگوں کو یہ بات کچھ الگ ہی انداز میں بتائی ہے۔ انہوں نے خود پولیس سے ڈنڈے کھاتے ہوئے اپنی تصویر لوگوں کے ساتھ ساجھا کی ہے۔

سنیل گرورو نے ایک تصویر شئیر کی ہے جس کے ایک حصے میں وہ سڑک پر چلتے اور دوسرے حصے میں وہ پولیس کے ڈنڈے کھاتے ہوئے نظر آ رہے ہیں۔ اس تصویر کے ایک حصے میں لکھا ہے ’ گھر سے نکلتے ہی‘ اور دوسرے حصے میں لکھا ہے ’ کچھ دیر چلتے ہی‘۔ اس تصویر کے کیپشن میں انہوں نے لکھا ’ بھگوان کی خاطر گھر میں ہی رہو‘۔ آپ بھی دیکھیں یہ تصویر۔

Stay at home please. घर पर रहो! pic.twitter.com/hBTWStrTX9

— Sunil Grover (@WhoSunilGrover) March 25, 2020

سنیل گرورو کی اس تصویر پر لوک کافی کمنٹ کر رہے ہیں اور لاکھوں لوگ اسے لائک بھی کر چکے ہیں۔ اس سے وہ لوگوں کو سمجھا رہے ہیں کہ اس لاک ڈاون کے وقت وہ گھر پر ہی رہیں۔