تونیشا کی موت کے معاملہ میں شیزان کی بہنوں نے کہا: ہماری خاموشی کو کمزوری سمجھا جارہا ہے

ممبئی : ٹی وی اداکارہ تونیشا شرما کی موت کے معاملہ میں 14 دن کی عدالتی حراست کی وجہ سے جیل میں بند اداکار شیزان خان کی فیملی نے بیان دیا ہے ۔ شیزان کی بہنیں فلک ناز اور شفق ناز بھی ٹی وی اداکارہ ہیں ۔ فلک اور شفق دونوں کی جانب سے یہ بیان جاری کیا گیا ہے ۔ اس میں کہا گیا ہے کہ یہ ہمارے دل کو تکلیف دیتا ہے کہ ہماری خاموشی کو ہماری کمزوری سمجھا جارہا ہے ۔ شاید اسی کو 'گھور کلیگ' کہتے ہیں ۔

شیزان کو نیچا دکھانے والے سبھی لوگوں کیلئے : ''اپنے آپ سے یہ پوچھیں، کیا آپ حالات کی بنیاد پر بات کررہے ہیں ، یا آپ مذہب کیلئے نفرت سے بات کررہے ہیں؟ میڈیا کے ایک طبقہ کی جرنلزم کا لیول اتنا نیچے گرگیا ہے کہ وہ صرف ٹی آر پی کی بنیاد پر کام کرتا ہے'' ۔

 

View this post on Instagram

 

A post shared by Falaq Naazz (@falaqnaazz)

انہوں نے مزید لکھا: ہم بھی نوٹس کرتے ہیں اور عوام کے ساتھ ساتھ میڈیا پورٹلس کے لئے بھی بہت شکرگزار ہیں جو جھوٹے نیریٹیو کے ذریعہ سے دیکھنے میں اہل ہیں ۔ ہمیں آپ جیسے اور لوگوں کی ضرورت ہے، لیکن کل ملا کر یہ دیکھنا بہت پریشان کرنے والا ہے کہ یہ لوگ لگاتار شیزان کو اس طرح بدنام کررہے ہیں ۔

غور طلب ہے کہ مہاراشٹر کے پالگھر ضلع کی ایک عدالت نے اپنی ساتھی اداکارہ تونیشا شرما کو مبینہ طور پر خودکشی کیلئے اکسانے کے الزام میں گرفتار شیزان خان کو ہفتہ کو 14 دن کی عدالتی حراست میں بھیج دیا ۔

یہ بھی پڑھئے: عمر صرف 20 سال، 6 سے زیادہ سیریلز اور دو بار بنی چھوٹی کٹرینہ کیف، پھر بھی چنی دردناک موت

یہ بھی پڑھئے: تونیشا شرما کے آخری لمحات کا CCTV ویڈیو آیا سامنے، اس حالت میں نظر آئیں اداکارہ

بتادیں کہ اس سے پہلے شیزان کی بہنوں کی جانب سے ایک بیان میں کہا گیا تھا کہ اس بحران کے وقت میں ہماری پرائیویسی کا خیال رکھتے ہوئے ہمیں تھوڑا وقت دیں۔ ہم نے ایک قیمتی جان کو کھویا ہے جبکہ ایک کو گرفتار کیا گیا ہے ۔ پولیس معاملہ کی جانچ کررہی ہے ۔ ہمیں ہندوستان کی عدلیہ پر پورا بھروسہ ہے اور ہم یہ امید کرتے ہیں کہ سچ سب کے سامنے آئے گا ۔ انہوں نے کہا تھا کہ ہماری خاموشی کو ہماری کمزوری نہ سمجھیں ۔ ہم جلد ہی صحیح وقت آنے پر بولیں گے۔