بھارتی سنگھ کے بعد شوہر ہرش لمبچیا کو این سی بی نے کیا گرفتار، 18 گھنٹے کی پوچھ گچھ کے بعد کیا گیا گرفتار

ممبئی: کامیڈین بھارتی سنگھ  (Bharti Singh) کے بعد نارکوٹکس کنٹرول بیورو (این سی بی) نے ان کے شوہر اور ٹی وی اداکار ہرش لمبچیا (Haarsh Limbachiyaa) کو گرفتار کرلیا ہے۔ ہرش لمبچیا کو ان کے گھر سے 86.5 گرام گانجا برآمد ہونے کے بعد گرفتار کیا ہے۔ نیوز ایجنسی اے این آئی کے مطابق، ہرش لمبچیا اور بھارتی سنگھ دونوں نے اپنے آفس اور گھر پر ایجنسی کے ذریعہ چھاپہ مارنے کے بعد نشیلی اشیا کے استعمال کرنے کا اعتراف کیا ہے۔ اے این آئی کے مطابق، نارکوٹکس کنٹرول بیورو نے ہرش لمبچیا کو گرفتار کرلیا ہے۔

اس سے پہلے ایجنسی نے کل بھارتی سنگھ کو گرفتار کیا تھا، جنہیں آج این ڈی پی ایس کورٹ میں پیش کیا جائے گا۔ کامیڈین بھارتی سنگھ اور ان کے شوہر لمبچیا کو 18 گھنٹے کی لمبی پوچھ گچھ کے بعد نارکوٹکس کنٹرول بیورو (این سی بی) نے گرفتار کیا ہے۔ واضح ڑہے کہ ہفتہ کے روز این سی بی نے بھارتی سنگھ کو ان کے ممبئی کے اندھیری واقع گھر سے گانجا ضبط کئے جانے کے بعد گرفتار کیا تھا۔ این سی بی نے بالی ووڈ میں مبینہ نشیلی دواوں کے استعمال کی جانچ کے تحت صبح بھارتی سنگھ کے گھر اور ان کے دفتر کی تلاشی لی۔

 

Haarsh Limbachiyaa, husband of comedian Bharti Singh, arrested by Narcotics Control Bureau (NCB). Singh was arrested yesterday.

NCB raided production office & house of Bharti Singh y'day & recovered 86.5 gms of Ganja from both places. Both of them accepted consumption of Ganja.

— ANI (@ANI) November 22, 2020

نارکوٹکس کنٹرول بیورو کے زونل ڈائریکٹر سمیر وانکھیڑے کی قیادت میں ایک ٹیم نے بھارتی سنگھ کے لوکھنڈوالا کامپلیکس واقع گھر کے ساتھ ساتھ ان کے پروڈکشن ہاوس پر ایک اطلاع کی بنیاد پر چھاپہ ماری کی، جہاں ریڈ کے دوران ٹیم نے 86.5 گرام گانجا برآمد کیا۔