بھارتی سنگھ نے دیا اپنے پہلے بچے کو جنم، ہرش لمباچیا نے پوسٹ کرکے کہا- ’لڑکا ہوا ہے‘

کامیڈین بھارتی سنگھ (Bharti Singh) ماں بن گئی ہیں۔ انہوں نے ایک لڑکے کو جنم دیا ہے۔ اس بات کی جانکاری بھارتی سنگھ کے شوہر ہرش لمباچیا نے (Haarsh Limbachiyaa) اپنے انسٹا گرام پر ایک پوسٹ کے ذریعہ دی ہے۔ ہرش لمباچیا کے پوسٹ کرتے ہی مداح انہیں اور بھارتی سنگھ کو مبارکباد دینے لگے ہیں۔ ہرش کا پوسٹ اب سوشل میڈیا پر وائرل ہونے لگا ہے۔

ساتھ ہی، ٹی وی کے تمام ستارے بھی ہرش لمباچیا کے پوسٹ پر مسلسل تبصرہ کرتے ہوئے دونوں کو مبارکباد دے رہے ہیں۔ وہیں، اب کچھ لوگوں کو انتظار اس بات کا ہے کہ کب بھارتی سنگھ اور ہرش اپنے بچے کا نام رکھیں گے، کیونکہ مداح یہ جاننے کے لئے اب بے قرار ہیں کہ دونوں کے لڑکے کا نام کیا ہوگا۔

فرضی خبروں سے پریشان ہوگئی تھیں بھارتی سنگھ

واضح رہے کہ پریگننسی کے دوران بھی بھارتی سنگھ مسلسل کام کرتی ہوئی نظر آرہی تھیں۔ حال ہی میں انہوں نے لائیو آکر ان کی ڈیلیوری پر چل رہی فرضی خبروں پر ردعمل ظاہر کیا تھا۔ انہوں نے ان کے بیبی گرل ہونے کی خبروں کو غلط بتایا تھا۔ انہوں نے لائیو آکر کہا تھا، ’میں ابھی ماں نہیں بنی ہوں، مجھے مبارکباد دینے کے لئے میری قریبی میسیج کر رہے ہیں۔ کہا جا رہا ہے کہ میں نے بیبی گرل کو جنم دیا ہے، لیکن یہ سچ نہیں ہے‘۔