کورونا وائرس کے قہر کے درمیان وائرل ہورہی ہے یہ شارٹ فلم ، دیکھ کر اڑ جائیں گے ہوش

ان دنوں پوری دنیا میں کورونا وائرس کچھ اس طرح دیکھنے کو مل رہا ہے کہ لوگوں نے اب عوامی مقامات سے دوری بنانی شروع کردی ہے ۔ ہندوستان میں ابھی تک اس کے کل 84 مریض سامنے آچکے ہیں ۔ اس سنگین صورتحال کے درمیان سبھی ممالک کی حکومتوں نے بھی اپنی اپنی سطح پر اس وائرس اے بچنے کی کوششیں شروع کردی ہیں ، لیکن ان سب کے بعد بھی یہ وائرس مسلسل پھیلتا ہی جارہا ہے ۔ تاہم ان سب کے درمیان سوشل میڈیا پر ایک شارٹ فلم کافی تیزی سے وائرل ہورہی ہے ۔

وائرل ہورہی یہ فلم ایک ہارر شارٹ فلم ہے ، جس میں ایک خاتون کو عجیب و غریب وائرس سے متاثر ہوتے ہوئے دکھایا گیا ہے ۔ محض پانچ منٹ کی یہ شارٹ فلم ایسی ہے ، جس کو دیکھنے کے بعد کوئی بھی لرز اٹھے گا ۔ ٹرائپوفوبیا نام کی اس شارٹ فلم کو دو سال پہلے یوٹیوب پر اپ لوڈ کیا گیا تھا ، لیکن کورونا وائرس کی وجہ سے یہ فلم اب سرخیوں میں چھائی ہوئی ہے ۔

فلم میں دکھایا گیا ہے کہ کیسے ایک خاتون عوامی بیت الخلا میں جاتی ہے اور اسی دوران اس کا موبائل واش روم میں رکھے ڈسٹبن میں گر جاتا ہے ۔ خاتون موبائل کی تلاش میں ڈسٹبن میں ہاتھ ڈالتی ہے اور نادانستہ طور پر ایک سرنج کی سوئی اس کے ہاتھ میں گھس جاتی ہے ۔ خاتون اپنے ہاتھ سے یہ سوئی نکال کر پھینک دیتی ہے ، لیکن اس سے وہ ایک خطرناک وائرس کا شکار ہوجاتی ہے ۔