جب ’ویرگتی‘ میں سلمان خان کے ساتھ کام کرچکی اس ایکٹریس کے پاس علاج کے لئے بھی نہیں تھے پیسے، بھائی جان نے ایسے کی تھی مدد

ممبئی: بالی ووڈ سوپر اسٹار سلمان خان کی دریا دلی سے ہر کوئی واقف ہے۔ غریبوں کی مدد سے لے کر فلم انڈسٹری سے وابستہ لوگوں تک، دبنگ خان ہر ایک کی مدد کے لیے ہمیشہ آگے رہتے ہیں۔ آج ہم سلمان خان کے ساتھ کام کرنے والی اس اداکارہ کے بارے میں بتانے جارہے ہیں جو غربت کی وجہ سے اپنی بیماری کا علاج کروانے سے قاصر تھیں لیکن جیسے ہی سلمان کو اس بات کا علم ہوا تو وہ ان کی مدد کے لیے آگے آگئے۔

دراصل، ہم پوجا ڈڈوال کی بات کر رہے ہیں۔ پوجا ڈڈوال نے سلمان خان کی فلم ویرگتی میں کام کیا ہے۔ پوجا ڈڈوال اچانک اس وقت سرخیوں میں آگئیں جب یہ خبر آئی کہ پوجا بہت بیمار ہیں اور ٹی بی کے مرض میں مبتلا ہیں۔ یہی نہیں ان کی بیماری کی وجہ سے ان کے گھر والوں نے بھی انہیں اکیلا چھوڑ دیا۔ اس کے بعد جب ان کے پاس پیسے نہیں بچے تو انہیں سرکاری اسپتال میں داخل کرایا گیا تھا۔

یہ بھی پڑھیں:
جب ایشوریہ رائے کے گھر کا دروازہ پیٹ پیٹ کرSalman Khanکے ہاتھوں سے آگیا تھا خون



لیکن جیسے ہی میڈیا کے ذریعے سلمان خان تک یہ خبر پہنچی کہ آپ کی فلم میں کام کرنے والی اداکارہ کی حالت ایسی ہے، سلمان نے فوری طور پر ایک ٹیم ان کے پاس بھیج کر ان کا علاج کرایا۔

یہ بھی پڑھیں:
کنگنا رناوت کے لاک اپ میں جدوجہد کے دنوں کو یاد کرکے Emotional ہوئیں پونم پانڈے

پوجا اب بالکل ٹھیک ہے۔ یہی نہیں اداکارہ کا وزن بھی تقریباً 20 کلو بڑھ گیا ہے۔ پوجا ڈڈوال نے بھی صحت یاب ہونے پر سلمان خان کا شکریہ ادا کیا۔