ایل اے سی پر صورت حال کشیدہ لیکن ہم نہیں قبول کریں کے کوئی تبدیلی: سی ڈی ایس

نئی دہلی۔ چیف آف ڈیفنس اسٹاف جنرل بپن راوت (CDS Bipin Rawat) نے اس بات پر زور دیا ہے کہ ہندستانی فوج کو اپنے ہتھیار اور دیگر ضروریات کے لئے کسی ایک ملک پر منحصر نہیں رہنا چاہئے۔ انہوں نے کہا کہ ہمیں اپنی فوجی ضرورتوں کے لئے مسلسل بندشوں کے خطرے سے باہر نکلنا ہو گا۔ سی ڈی ایس نے جمعہ کو نیشنل ڈیفنس کالج کے زیر اہتمام منعقد ڈائمنڈ جوبلی ویبنار سے خطاب کرتے ہوئے یہ باتیں کہیں۔ اس دوران انہوں نے ایل اے سی کا بھی تذکرہ کیا۔

چیف آف ڈیفنس اسٹاف جنرل بپن راوت نے کہا ' مشرقی لداخ میں ہندستان اور چین کے درمیان لائن آف ایکچول کنٹرول پر صورت حال کشیدہ بنی ہوئی ہے۔ ہندستانی دستوں کی جوابی کارروائی کے پیش نظر چین کی پیپلس لبریشن آرمی کو لداخ میں اپنی گستاخی کے لئے ' غیر متوقع نتائج' کا سامنا کرنا پڑا۔ ہماری پوزیشن پر کوئی سوال نہیں ہے۔ ہم لائن آف ایکچول کنٹرول میں کسی بھی تبدیلی کو قبول نہیں کریں گے'۔

... & invest in building long-term indigenous capability for strategic independence & application of decisive military power to squarely meet present & emerging challenges: CDS Gen Bipin Rawat at the Diamond Jubilee Webinar - 2020 organised by National Defence College. (2/2) pic.twitter.com/Kbo4nwep2q

— ANI (@ANI) November 6, 2020

سابق فوجی سربراہ نے یہ بھی کہا کہ بالاکوٹ اور سرجیکل اسٹرائک سے ہم نے پاکستان کو ایک مضبوط پیغام دیا ہے۔

جھوٹی کہانیاں گڑھ رہا ہے پاکستان

سابق فوجی سربراہ نے یہ بھی کہا کہ بالاکوٹ اور سرجیکل اسٹرائک سے ہم نے پاکستان کو ایک مضبوط پیغام دیا ہے۔ تین دہائیوں سے پاکستان کی فوج اور اس کی خفیہ ایجنسی آئی ایس آئی جموں وکشمیر میں جنگ چھیڑے ہوئے ہیں۔ اب تیزی سے سوشل میڈیا پر ہندستان مخالف بیان بازی شروع ہو رہی ہے اور ہندستان کے اندر سماجی بھید بھاو پیدا کرنے کے لئے جھوٹی فرقہ وارانہ کہانیاں پھیلائی جا رہی ہیں۔