الجیریا میں فوجی طیارہ حادثہ کا شکار ، 257 افراد کی موت

الجزائر :الجیریا کی راجدھانی الجیرس میں ایک فوجی طیارہ حادثہ کا شکار ہوگیا ہے۔ طیارہ نے دارالحکومت الجزائر کے قریب بوفاریک کے فوجی ہوائی اڈے سے اڑان بھری تھی اور تھوڑی دیر کے بعد ہی یہ حادثہ پیش آگیا۔ یہ ہوائی اڈے ملک کی فضائیہ کا اڈا ہے۔مقامی افسروں کے مطابق حادثہ میں 257 فراد کی موت ہوگئی ہے۔

میڈیا رپورٹس کے مطابق جائے وقوعہ پر 14 ایمبولینسوں کو دیکھا گیا ہے اور زخمیوں کو ہسپتال پہنچایا جا رہا ہے۔قابل ذکر ہے کہ چار سال قبل بھی ایک فوجی طیارہ حادثہ کا شکار ہوگیا تھا ، جس میں فوجی اہلکار اور ان کے کنبہ کے افراد سمیت 77 افراد کی موت ہوگئی تھی ۔

Dozens reportedly killed after military plane crashes into a residential area in #Algeria pic.twitter.com/9F59j76kr9

— Press TV (@PressTV) April 11, 2018