ہوم » نیوز » عالمی منظر

شمالی کوریا کی فوج میں 35 لاکھ لوگ ہوں گے شامل

سیول۔ شمالی کوریا نے آج کہا کہ اقوام متحدہ کی جانب سے حالیہ پابندیوں کے بعد امریکہ کے ساتھ پیدا کشیدگی کو دیکھتے ہوئے قریب 35 لاکھ کارکنوں اور پارٹی کے اراکین کو فوج میں شامل کیا جائے گا۔

  • UNI
  • Last Updated: Aug 12, 2017 08:07 PM IST
  • Share this:
  • author image
    NEWS18-Urdu
شمالی کوریا کی فوج میں 35 لاکھ لوگ ہوں گے شامل
شمالی کوریا کے رہنما کم جونگ ان: فائل فوٹو

سیول۔ شمالی کوریا نے آج کہا کہ اقوام متحدہ کی جانب سے حالیہ پابندیوں کے بعد امریکہ کے ساتھ پیدا کشیدگی کو دیکھتے ہوئے قریب 35 لاکھ کارکنوں اور پارٹی کے اراکین کو فوج میں شامل کیا جائے گا۔ شمالی کوریا کے سرکاری اخبار روڈونگ سنمن کے مطابق کوریا سٹرل نیوز ایجنسی (كےسی این اے) کے اقوام متحدہ کی جانب سے لگائی گئی پابندیوں کی مذمت کرنے کے بعد رضاکاروں نے پیپلز آرمی میں شامل ہونے کی خواہش ظاہر کی ہے۔


شمالی کوریا نے اس ہفتے کے آغاز میں امریکہ اور اس کے زیرانتظام جزیرہ گوام پر حملے کی دھمکی دی ہے۔ اس کے بعد دونوں ممالک کے درمیان کشیدگی میں اضافہ ہوا ہے۔ كےسي این اے نے کہا کہ بدھ کو دارالحکومت پيونگ يونگ میں حکومت کی حمایت میں لوگوں نے ایک بڑی ریلی نکالی تھی۔ اس سے پہلے شمالی کوریا نے کشیدگی کو دیکھتے ہوئے بڑی تعداد میں لوگوں کو جمع کیا تھا۔


واضح ر ہے کہ سلامتی کونسل نے گذشتہ دنوں متفقہ طور پر شمالی کوریا کی طرف سے مسلسل میزائل ٹیسٹ کی پاداش میں نئی پابندیاں لگا دی ہیں۔ اس پابندی سے شمالی کوریا کی ایک تہائی برآمدات میں خلل پڑیگا ۔ اس سے اسے ایک ارب ڈالر کا سالانہ نقصان ہوگا۔

First published: Aug 12, 2017 08:07 PM IST
corona virus btn
corona virus btn
Loading