پاکستان واپس آکر بلاول نے کہا-ہندوستان کا دورہ رہا کامیاب، کرکٹ پر کہی یہ بڑی بات

گوا میں شنگھائی تعاون تنطیم (ایس سی او) کی میٹنگ میں شامل ہو کر وطن واپس لوٹے پاکستان کے وزیرخارجہ بلاول بھٹو زرداری نے اپنے ہندوستان دورے کو کامیاب بتایا۔ واپس آنے کے بعد یہاں پریس کانفرنس کرتے ہوئے بلاول بھٹو نے کہا کہ ان کا دورہ ہند اس لحاظ سے کامیاب رہا کیونکہ اس سے اس خیال کو مسترد کرنے میں مدد ملی کہ ہر مسلمان ایک دہشت گرد ہے۔ انہوں نے کہا، ہم نے اس تصور کو توڑنے کی کوشش کی۔

“پاکستان کا اصولی مؤقف آج بھی وہی ہے کہ جب تک بھارت کشمیر میں اگست 5، 2019 کے غیر قانونی اقدامات کو واپس نہیں لیتا ہم ڈائیلاگ نہیں کرسکتے۔”
وزیر خارجہ بلاول بھٹو زرداری @BBhuttoZardari
1/4 pic.twitter.com/EvxzrmSaLh

— PPP (@MediaCellPPP) May 5, 2023

ہندوستان کے ساتھ بات چیت سے متعلق سوال پر بلاول نے کہا، پاکستان کاموقف واضح ہے کہ ہندوستان کو کشمیر کاپرانہ درجہ بحال کر کے بات چیت کے لیے ماحول بنانا چاہیے۔ چین-پاکستان اقتصادی کاریڈور پر انہوں نے کہا کہ ہندوستان کو چھوڑ کر سبھی ممالک اس کے حق میں ہیں۔ وسطی ایشیا کےملک اس کا حصہ بننا چاہتے ہیں۔

یہ بھی پڑھیں:

پاکستان کے اسکول میں دہشت گردانہ حملہ، اسٹاف روم میں فائرنگ، 7 اساتذہ کی موت

بلاول بھٹو نے ہندوستان کے ساتھ مذاکرات کے حوالے سے پوچھے گئے سوال کے جواب میں کہا کہ پاکستان واضح تھا کہ ہندوستان 5 اگست 2019 کی کشمیر کی حیثیت بحال کرکے مذاکرات کے لیے سازگار ماحول پیدا کرے۔ انہوں نے یہ بھی کہا کہ وسطی ایشیا کے ممالک چین پاکستان اقتصادی راہداری کا حصہ بننا چاہتے ہیں۔ انہوں نے کہا کہ ہندوستان کے علاوہ ہر ملک نے سی پیک کی حمایت اور تعریف کی ہے۔

یہ بھی پڑھیں:

سوڈان میں گھمسان کی لڑائی، بچے اور بزرگ شدید کشمکش میں مبتلا، آخر سوڈان کا ہوگا تو کیا ہوگا؟

کرکٹ پر بلاول نے کہا، کھیل کا نقصان نہیں ہونا چاہیے

بلاول بھٹو زرداری سے جب پاکستانی ٹیم کے ورلڈ کپ کے لیے ہندوستان آنے کو لے کر پوچھا گیا تو انہوں نے کہا کہ کھیل کا نقصان نہیں ہونا چاہیے۔ بلاول نے مزید کہا، امید ہے کہ ہم اس حالت میں نہیں ہیں، جہاں کھیل کا نقصان ہو۔ کھیل اور سیاست کو ایک ساتھ نہیں ملانا چاہیے۔