امریکہ نے کہا-ہندوستان کے ساتھ تعلقات بے احد اہم، انہیں مضبوط کرنے کی ضرورت

امریکہ کے صدر جوبائیڈن کے ترجمان نے بدھ کو کہا ہے کہ انسانی حقوق کے مسئلوں کو لے کر انتظامیہ ہندوستان کے اعلیٰ عہدیداروں سے بات چیت کررہا ہے۔ انہوں نے کہا کہ صدر بائیڈن مانتے ہیں کہ ہندوستان اور امریکہ کے رشتے اہم ہیں اور انہیں مزید مضبوط بنانے کی ضرورت ہے۔

وائٹ ہاؤس کی پریس سکریٹری کرائن جین پیئر نے صدر جو بائیڈن کے نیویارک روانہ ہونے کے بعد کہا کہ انہیں رہنماؤں کے ساتھ اچھے تعلقات قائم کرنے کا تجربہ ہے۔ یہ ایک اہم رشتہ ہے جب ہم ہند پیسیفک کے بارے میں بات کرتے ہیں اور اس علاقے میں آگے بڑھتے ہیں۔ صدر کا خیال ہے کہ یہ ایک اہم رشتہ ہے جس کو پروان چڑھانے کی ضرورت ہے۔ پریس سکریٹری 22 جون کو وزیر اعظم نریندر مودی کے سرکاری دورے کے بارے میں دن کے اوائل میں وائٹ ہاؤس کے اعلان پر ایک سوال کا جواب دے رہی تھیں۔

اس سے پہلے، انہوں نے ایئرفورس ون میں صحافیوں سے بات کرتے ہوئے کہا کہ جوبائیڈن امریکہ کی آفیشل سرکاری دورے کے دوران وزیراعظم نریندر مودی کی میزبانی کریں گے، جس میں 22 جون کو سرکاری عشائیہ شامل ہوگا۔ انہوں نے کہا کہ دورہ ریاستہائے متحدہ امریکہ اور ہندوستان کے درمیان گہری، قریبی شراکت داری اور دوستی کے  بندھن کو مضبوط کرے گا۔ جین پیئرے نے کہا کہ وزیراعظم مودی کا دورہ، دونوں ملکوں کی آزاد، کھلی، مضبوط اور محفوظ بحرہند کے تئیں مشترکہ عہد اور دفاع، صاف توانائی اور خلا سمیت ہماری اسٹریٹجک ٹیکنالوجی پارٹنرشپ کو بڑھانے کے ہمارے مشترکہ عزم کو تقویت ملے گی۔

یہ بھی پڑھیں:

دہشت گردی پر چین پھر بے نقاب،UNمیں دہشت گرد رؤف کو بلیک لسٹ میں ڈالنے کی ہندوستان کی تجویز کی مخالفت کردی

یہ بھی پڑھیں:

Pakistan: پاکستانی گھروں میں دودھ سے لیکر سبزیوں تک کا بحران، اے ٹی ایم سے بھی پیسے ہو رہے ختم، امتحانات پر پابندی

یو ایس انڈیا بزنس کونسل کے صدر اتل کیشپ نے کہا کہ یہ سرکاری دورہ امریکہ کے لیے ایک بڑا سفارتی اشارہ ہے۔ انہوں نے کہا کہ 'ہندوستان کو آخری مرتبہ 2009 میں سرکاری دورے سے نوازا گیا تھا۔ پی ایم مودی کو بائیڈن انتظامیہ کے تیسرے سرکاری دورے سے نوازا جا رہا ہے، جو کہ ابھرتے ہوئے ہندوستان کے لیے امریکی عوام کے احترام اور پیار کو ظاہر کرتا ہے۔