US Election 2020: ٹرمپ کے بیٹے نے نقشہ شئیر کر کشمیر کو پاکستان کا حصہ دکھایا، بائیڈن کو بتایا ہندستان حامی

واشنگٹن۔ امریکی صدارتی الیکشن (US President Election 2020) میں ووٹنگ ختم ہو گئی۔ اس درمیان ریپبلیکن پارٹی کے امیدوار ڈونلڈ ٹرمپ (Donald Trump) کے بیٹے ڈونلڈ جونئیر نے اپنے ٹوئٹر اکاونٹ پر ایک متنازعہ نقشہ پوسٹ کیا ہے۔ ڈونلڈ ٹرمپ جونئیر نے دنیا کے نقشے میں جو بائیڈن اور اپنے والد ڈونلڈ ٹرمپ کے حامی ملکوں کو لال اور نیلے رنگ میں بانٹا ہے۔ نقشے میں ہندستان کو اپنے والد کے مخالف امیدوار جو بائیڈن کا حامی ملک بتایا گیا ہے۔ حیرانی کی بات یہ ہے کہ اس نقشے میں کشمیر (Kashmir) کو پڑوسی ملک پاکستان (Pakistan) کا حصہ کے طور پر دکھایا گیا ہے۔

ڈونلڈ جونئیر نے امریکہ میں صدارتی انتخابات کی ووٹنگ کے دوران اس نقشے کو ٹویٹ کیا ہے۔ اس میں ٹرمپ کو حمایت دینے والے ملکوں کو لال اور بائیڈن کے حامی ملکوں کو نیلے رنگ سے دکھایا ہے۔ نقشے میں پاکستان اور روس کو ڈونلڈ ٹرمپ کا حامی ملک بتایا گیا ہے جبکہ ہندستان کو جو بائیڈن کا۔ نقشے میں ہندستان کے علاوہ چین، میکسیکو اور لائبیریا کو بھی جو بائیڈن کو حمایت دینے والے ملک بتائے گئے ہیں۔

Okay, finally got around to making my electoral map prediction. #2020Election #VOTE pic.twitter.com/STmDSuQTMb

— Donald Trump Jr. (@DonaldJTrumpJr) November 3, 2020

ڈونلڈ ٹرمپ جونئیر سے پہلے خود ٹرمپ ہندستان کے خلاف بیان دے چکے ہیں۔ ٹرمپ نے جو بائیڈن کے ساتھ ایک صدراتی مباحثے میں ماحولیات کے مسئلے کو لے کر ہندستان پر نشانہ سادھا تھا۔ مباحثے کے دوران ٹرمپ نے ماحولیاتی تبدیلی میں خراب ہوا کے معیار کو لے کر چین اور روس کے علاوہ ہندستان کو ذمہ دار بتایا تھا۔ اب تازہ واقعہ میں ڈونلڈ جونئیر نے ایک ایسا نقشہ شئیر کیا جس میں کشمیر وادی کو پاکستان کا حصہ بتایا گیا ہے۔

دوسری طرف، چین سے جاری تعطل کے درمیان امریکہ اب تک ہندستان کی حمایت کرتا آیا ہے۔ لداخ تنازعہ کو لے کر امریکہ ہمیشہ ہی ہندستان کے ساتھ کھڑے ہونے کی بات کرتا ہے۔