پاکستان میں عمران خان کی گرفتاری کے خلاف مظاہرین پر کارروائی، تقریباً 1,000 افراد گرفتار

پاکستان کی پولیس نے بدھ کو بتایا کہ پاکستان کے سب سے زیادہ آبادی والے صوبے پنجاب میں سابق وزیر اعظم عمران خان کی گرفتاری کے بعد سے شروع ہونے والے مظاہروں کے بعد سے تقریباً 1,000 افراد کو گرفتار کیا گیا ہے۔ حکام نے میڈیا کو ایک بیان میں کہا کہ پولیس ٹیموں نے صوبے بھر سے 945 قانون توڑنے والوں اور شرپسندوں کو گرفتار کیا ہے۔ منگل کو عمران خان ​​کی گرفتاری کے بعد پھوٹنے والے تشدد میں 130 افسران اور اہلکار زخمی ہوئے۔

عمران خان کہاں اور کیسے ہیں؟

پاکستان کے سابق وزیراعظم اور پاکستان تحریک انصاف پارٹی (پی ٹی آئی) کے سربراہ عمران خان نے بدھ کو سپریم کورٹ کا دروازہ کھٹکھٹایا اور کہا کہ مجھے گزشتہ 24 گھنٹوں سے باتھ روم تک نہیں جانے دیا گیا ۔ مجھے ڈر ہے کہ میرا قتل کیا جاسکتا ہے ۔ میرے ڈاکٹر کو بلایا جائے ۔

انہوں نے کہا کہ مجھے دوسرے ادارہ کے ذریعہ وارنٹ بھیجا گیا ہے ۔ اس سے پہلے عمران کو منگل کو پاک رینجرس نے اس وقت گرفتار کرلیا تھا، جب وہ بدعنوانی کے ایک معاملہ میں سماعت کیلئے اسلام آباد ہائی کورٹ میں موجود تھے ۔ اس کے بعد لاہور ، اسلام آباد ، پشار کے ساتھ ساتھ پورے ملک میں گرفتاری کی مخالفت کی جارہی ہے ۔

عوام کے جذبات:

عمران خان کے حامیوں نے منگل کو اپنے قائد کی گرفتاری کے بعد لاہور میں کور کمانڈر کے گھر میں توڑ پھوڑ کی اور لوٹ پاٹ کی۔ کئی مظاہرین گھر کے اندر رکھے مور اٹھا لے گئے۔ وائس آف امریکہ (VOA) اردو کی جانب سے ٹوئٹر پر شیئر کی گئی ویڈیو میں ایک شخص کو مور پکڑے ہوئے دیکھا جا سکتا ہے اور یہ کہتے ہوئے سنا جا سکتا ہے کہ یہ مور شہریوں کے پیسوں سے خریدا گیا ہے۔ مظاہرین نے عمارت پر پتھراؤ بھی کیا، گھر کے اندر سے سامان نکال کر جلا دیا۔

’پاکستان رینجرس کی کارروائی کو صحیح‘

عمران خان کو پاک رینجرس نے منگل کو عدالت کے احاطہ سے ہی گرفتار کرلیا اور انہیں بدھ کو نیب عدالت میں پیش کیا جائے گا ۔

یہ بھی پڑھیں: 

• بچپن سے جوانی تک جنسی زیادتی، والد اور بھائی نے بار۔بار کی عصمت دری، خاتون کی دردناک کہانی سن کر کانپ جائے گی روح


• گرفتاری تو چھوڑیئے پھانسی تک ہو گئی، عمران خان پہلے نہیں، 6 اور سابق پی ایم کھا چکے ہیں جیل کی ہوا


• پاکستان میں عمران خان کی گرفتاری کی اصل وجہ کیا ہے؟ کیا اس گرفتاری کا اثر اگلے پچاس سال تک رہے گا؟


• کراچی اسلام آباد میں مظاہرے کی کال، انٹرنیٹ معطل، اپنے شہریوں کیلئے امریکی اور کناڈا کے سفارتخانوں کی جانب سے ایڈوائزری جاری


• 'یہ بھی تو عوام کا پیسہ ہے'، فوج کے افسر کے گھر سے پالتو مور اٹھا لے گیا عمران خان کا حامی

پاکستان تحریک انصاف پارٹی کے سربراہ عمران خان کو القادر ٹرسٹ معاملہ میں گرفتار کیا گیا ہے، جس کیلئے نیب نے انہیں کئی مرتبہ طلب کیا تھا ۔

وہیں عمران خان کی گرفتاری کے معاملہ کی اسلام آباد ہائی کورٹ میں سماعت ہوئی، جس میں عدالت نے پاکستان رینجرس کی کارروائی کو صحیح قرار دیا ہے ۔