ایران میں موٹر سائیکلوں پر سوار مسلح افراد نے مظاہرین پر کی فائرنگ، کم از کم 5 افراد ہلاک اور کئی افراد زخمی

سرکاری میڈیا نے بدھ کو ایک نامعلوم اہلکار کے حوالے سے بتایا کہ ایران کے جنوب مغربی صوبہ خوزستان میں مظاہرین اور سکیورٹی فورسز پر دہشت گرد عناصر کی جانب سے گولی چلنے سے کم از کم پانچ افراد ہلاک ہو گئے۔ سرکاری خبر رساں ایجنسی آئی ار این اے کے مطابق دو موٹر سائیکلوں پر سوار مسلح اور دہشت گرد عناصر ایذہ (Izeh) شہر کے ایک مرکزی بازار میں پہنچے اور وہاں مظاہرین اور سیکورٹی فورسز پر فائرنگ کر دی، جس سے پانچ افراد ہلاک اور کم از کم 10 زخمی ہو گئے۔

خوزستان کے نائب گورنر ولی اللہ حیاتی نے سرکاری ٹیلی ویژن کو بتایا کہ حملہ آوروں نے شام 5:30 بجے خودکار ہتھیاروں سے حملہ کیا۔ انہوں نے کہا کہ ہلاک ہونے والوں میں تین مرد، ایک عورت اور ایک لڑکی شامل ہے۔ حیاتی نے کہا کہ زخمیوں میں سے کچھ کی حالت تشویشناک ہے، انہوں نے کہا کہ زخمیوں میں پولیس اہلکار بھی شامل ہیں۔ انہوں نے مزید کہا کہ صورتحال اب پرسکون ہے اور حملہ آوروں کی تلاش جاری ہے۔

Oil workers in Iran walk out. Hugely brave. Unbelievably significant. #IranRevolution #Mahsa_Amini #IranProtests2022 #OpIran‌‌ #NationalStrikes pic.twitter.com/UF8828Mehn

— Omid Djalili (@omid9) November 15, 2022

اطلاع کے مطابق حملے کی ذمہ داری فوری طور پر قبول نہیں کی گئی۔ اس سے قبل بھی شیراز میں شاہ چراغ کے مزار پر 26 اکتوبر کو ایک مسلح حملے میں کم از کم 13 افراد ہلاک ہو گئے تھے جس کی ذمہ داری اسلامک اسٹیٹ گروپ نے قبول کی تھی۔ 16 ستمبر کو مہسا امینی (Mahsa Amini) کی موت کے بعد سے ایران میں حجاب مخالف مظاہرے جاری ہیں۔

The Islamic Republic's security forces shoot, beat and arrest Iranian people inside metro stations & trains. To the world’s democratic nations: if you stand with the Iranian people against this barbaric, illegitimate regime, expel its ambassadors and recall your own.#MahsaAmini pic.twitter.com/feFtZUjDov

— Reza Pahlavi (@PahlaviReza) November 16, 2022

یہ بھی پڑھیں:

• G20 صدارت ہندوستان کی روح کو ظاہر کرنے کا ایک موقع، بین الاقوامی اقتصادی ایجنڈے کی سمت...!


• موسمیاتی تبدیلی سے لڑنے کے لیے ہندوستان مصروفِ عمل، COP27 میں وزیر ماحولیات کا بیان


• افغان خواتین پرجموں اورعوامی حماموں کےاستعمال پر پابندی، اقوام متحدہ نےکیا تشویش کااظہار

حکام کے مطابق ان مظاہروں میں جھڑپیں ہوئی ہیں جن میں درجنوں افراد ہلاک ہوئے ہیں۔ جن میں بنیادی طور پر مظاہرین کے ساتھ ساتھ سیکورٹی فورسز کے ارکان بھی شامل ہیں۔