بائیڈن اور میکرون نے کیا عہد، یوکرین میں جنگی جرائم کے لیے روس کو ٹھہرائیں گے جواب دہ

روس اور یوکرین کے درمیان جنگ 9 مہینے سے زیادہ وقت سے جاری ہے۔ اس درمیان امریکی صر جوبائیڈن اور فرانسیسی صدر ایمانویل میکرون نے یوکرین میں جنگی جرائم کے لیے روس کو جواب دہ ٹھہرانے کا عہد کیا ہے۔ نیوز ایجنسی رائٹرس کی رپورٹ کے مطابق، جوبائیڈن اور ایمانویل میکرون نے یوکرین میں 'وسیع پیمانے پر دستاویزی مظالم اور جنگی جرائم' کے لیے روس کو جوابدہ ٹھہرانے کا عہد کیا۔ ملاقات میں تمام اتحادیوں نے جنگ سے پیدا ہونے والے معاشی بحران سے نمٹنے پر بھی زور دیا۔ دونوں رہنماؤں نے جمعرات کو وائٹ ہاؤس میں اس معاملے پر ملاقات کے بعد مشترکہ پریس کانفرنس کے دوران اس بات کا اعلان کیا۔

2021 کے آغاز میں امریکی صدر کا عہدہ سنبھالنے کے بعد بائیڈن میکرون کی پہلی امریکی دورے کی میزبانی کررہے ہیں۔ بائیڈن اور ان کی اہلیہ جِل نے میکرون اور ان کی اہلیہ بریگیٹ کو گلے لگا کر استقبال کیا اور دونوں نے امریکی-فرانسیسی تعلقات کے 200 سے زیادہ سالوں کا جشن منایا۔ وہائٹ ہاوس کے اوول آفس میں میٹنگ کے بعد جاری مشترکہ بیان میں دونوں قائدین نے کہا کہ وسیع پیمانے سے دستاویزی جرائم اور جنگی جرائم کے لیے روس کو ذمہ دار ٹھہرانے کے لیے پابندی عہد ہے۔

یہ بھی پڑھیں:
افغانستان میں رُکے ہوئے 20 پروجیکٹ پر دوبارہ کام شروع کرے گا ہندوستان! طالبان نے دیا اشارہ

یہ بھی پڑھیں:
ایران اور یو اے ای میں زلزلے کے جھٹکے کیے گئے محسوس، ری ایکٹر اسکیل پر 5.6 رہی شدت

انہوں نے چین کے قوانین پر مبنی بین الاقوامی نظام کو چیلنج کرنے کے حوالے سے اپنے خدشات پر ایک دوسرے کی حمایت کرنے کا بھی عزم کیا، جس میں انسانی حقوق کا احترام کرنا اور موسمیاتی تبدیلی جیسے اہم عالمی مسائل پر چین کے ساتھ مل کر کام کرنا شامل ہے۔ بائیڈن نے کہا کہ فرانس اور امریکہ ولادمیر پوتن کے لالچی عزائم کا مقابلہ کر رہے ہیں اور جمہوری اقدار اور عالمی انسانی حقوق کا دفاع کر رہے ہیں۔ میکرون نے کہا کہ دونوں ممالک کی مشترکہ ذمہ داری ہے کہ وہ سمندر کے دونوں کناروں پر جمہوریت کا دفاع کریں اور یوکرین میں جنگ کے براہ راست اور بالواسطہ نتائج کا مل کر سامنا کریں۔