سینٹرل ایشیا میں بلیک آؤٹ، ان تینوں راجدھانیوں میں چھایا اندھیرا

استنبول۔ وسطی ایشیا Central Asia میں بڑے پیمانے پر بلیک آؤٹ ہو گیا ہے۔ خبر رساں ادارے روئٹرز کی رپورٹ کے مطابق کرگستان اور ازبکستان کی دارالحکومتوں کے ساتھ ساتھ قازقستان کے اقتصادی مرکز الماتی میں بھی بڑے پیمانے پر بجلی بند Central Asia Blackout  ہونے کی اطلاعات موصول ہوئی ہیں۔ میڈیا اور حکام نے بتایا کہ بلیک آؤٹ تینوں ممالک کے صوبوں میں دور دور تک پھیل گیا۔ فی الحال تفصیلی معلومات کا انتظار ہے۔

دراصل جنوب مشرقی یورپ میں سردی کا قہر جاری ہے۔ اس شدید سردی کی وجہ مشرقی بحیرہ روم میں برفانی طوفان ہے جس کی وجہ سے بلیک آؤٹ کی صورتحال پیدا ہوگئی ہے۔ جس سے ٹریفک بھی متاثر ہوا ہے۔ یورپ کے مصروف ترین ہوائی اڈوں میں سے ایک استنبول ہوائی اڈے کو شدید برف باری کے باعث بند کرنا پڑا۔ یہی نہیں بلکہ شدید برف باری کے باعث ایتھنز میں اسکول اور ویکسینیشن سینٹرز بھی بند کردیے گئے ہیں۔

وسطی ایشیائی ممالک میں بجلی کی کٹوتی قازقستان میں ٹرانزٹ لائنوں کے اوور لوڈنگ کی وجہ سے ہوئی ہے۔

ٹریول حکام نے خبر رساں ایجنسی اے ایف پی کو بتایا کہ استنبول کے پرانے اتاترک ہوائی اڈے کو ترکی ایئر لائنز کے لیے ایک نیا مرکز بنانے کے طور پر بدلنے کے بعد سے پہلی بار بند کیا گیا ہے۔