ہوم » نیوز » عالمی منظر

ہندستان کی سفارتی جیت، سری لنکا کے نئے صدر پہلے غیر ملکی دورے پر کل آئیں گے دہلی

ذرائع کے مطابق وزیر خارجہ ایس جے شنکر منگل کی شام کو کولمبو پہنچے۔ وہ بدھ کی صبح ہندستان لوٹیں گے۔

  • Share this:
ہندستان کی سفارتی جیت، سری لنکا کے نئے صدر پہلے غیر ملکی دورے پر کل آئیں گے دہلی
ذرائع کے مطابق وزیر خارجہ ایس جے شنکر منگل کی شام کو کولمبو پہنچے۔ وہ بدھ کی صبح ہندستان لوٹیں گے۔

نئی دہلی: سری لنکا کے ساتھ ہندوستان کے تعلقات گذشتہ ڈیڑھ دہائی میں زیادہ اچھے  نہیں رہے ہیں۔ اس دوران ہندوستان سری لنکا کے بجائے چین کے زیادہ قریب گیا۔ یہی وجہ ہے کہ اب نئی سیاسی صورتحال میں ہندستان نے اپنی توجہ سری لنکا پر مرکوز کردی ہے۔ گوٹابایا راجپاکسہ سری لنکا کے نئے صدر بن گئے ہیں۔ وزیر اعظم مودی نے انہیں ہندوستان آنے کی دعوت دی اور انہوں نے اسے قبول کرلیا۔ اب وہ اپنے پہلے غیر ملکی دورے پر ہندوستان آئیں گے۔

وزیر خارجہ ایس جے شنکر منگل کو شیڈول کے بغیر سری لنکا (سری لنکا) پہنچے۔ ان کا یہ دورہ اس لئے بھی اہم ہے کہ پیر کے روز  سری لنکا میں ہونے والے صدارتی انتخابات میں گوٹا بایا راجپاکسہ کو نیا صدر مملکت منتخب کیا گیا ہے۔ ایس جےشنکر کا یہ سفر مختصر ہے۔ سری لنکا میں نئے سیاسی مساوات کے درمیان  وہ بغیر کسی شیڈول کے سری لنکا پہنچے  ہیں۔

ذرائع کے مطابق وزیر خارجہ ایس جے شنکر منگل کی شام کو کولمبو پہنچے۔ وہ بدھ کی صبح ہندستان لوٹیں گے۔ کولمبو میں انہوں نے  نومنتخب صدر گوٹابایا سے ملاقات کی اور انہیں وزیر اعظم مودی کی جانب سے ہندوستان آنے کی دعوت دی جسے انہوں نے قبول کرلیا۔ اتوار کے روز  وزیر اعظم نریندر مودی نے گوٹابایا سے فون پر بات کی۔  ساتھ ہی پی ایم مودی نے پہلے غیر ملکی دورے پر گوٹابایا کو ہندوستان آنے کی دعوت دی۔ حکومت کی طرف سے جاری بیان کے مطابق  صدر گوٹابایا راجا پاکسہ نے "ترقی اور سکیورٹی کو یقینی بنانے کے لئے ہندوستان کے ساتھ کام کرنے کی خواہش کا اظہار کیا"۔


First published: Nov 20, 2019 08:11 AM IST
corona virus btn
corona virus btn
Loading