ہوم » نیوز » عالمی منظر

لاہور فدائی بم دھماکہ میں 16 افراد ہلاک، 85 زخمیوں میں کئی کی حالت نازک

لاہور۔ پنجاب اسمبلی کے سامنے فدائی دھماکے میں پانچ پولس اہلکارسمیت 16 لوگ ہلاک اور 85 زخمی ہوگئے۔

  • UNI
  • Last Updated: Feb 14, 2017 12:38 PM IST
  • Share this:
  • author image
    NEWS18-Urdu
لاہور فدائی بم دھماکہ میں 16 افراد ہلاک، 85 زخمیوں میں کئی کی حالت نازک
اے پی

لاہور۔  پنجاب اسمبلی کے سامنے فدائی دھماکے  میں  پانچ پولس اہلکارسمیت 16 لوگ ہلاک اور 85 زخمی ہوگئے۔ فدائی دھماکہ  پنجاب اسمبلی کے سامنے مال روڈ پر ہوا جس میں آج ٹی وی کی ڈی ایس یجی کا ڈرائیور،انجینئر اور کیمرا مین بھی زخمی ہوئے۔ دھماکے کی ذمہ داری کالعدم تحریک طالبان پاکستان سے علیحدگی اختیار کرنے والے گروپ 'جماعت الاحرار' نے قبول کرلی۔ دھماکے کے وقت مال روڈ پر فارما مینوفیکچررز اور کیمسٹس کا دھرنا جاری تھا، اور احمد مبین مظاہرین سے مذاکرات کے لیے آئے تھے۔


پولیس کے محکمہ انسداد دہشت گردی (سی ٹی ڈی) کے سربراہ ڈاکٹر محمد اقبال نے دھماکہ خود کش ہونے کی تصدیق کرتے ہوئے کہا کہ ’خودکش بمبار پیدل چل کر آیا تھا۔‘ دھماکے کے بعد علاقے میں بھگڈر مچ گئی، پولیس کی بھاری نفری نے جائے وقوع پر پہنچ کر علاقے کو گھیرے میں لے لیا اور مال روڈ پر جمع لوگوں کو منتشر کرنے کا عمل شروع کیا۔ ریسکیو ٹیموں نے ایمبولینسز کے ذریعے زخمیوں کو گنگا رام اور میو ہسپتالوں میں منتقل کیا جہاں ایمرجنسی بھی نافذ کردی گئی ہے، جبکہ زخمیوں میں سے متعدد افراد کی حالت تشویشناک بتائی جاتی ہے۔

First published: Feb 14, 2017 12:38 PM IST
corona virus btn
corona virus btn
Loading