اپنا ضلع منتخب کریں۔

    بحر ہند میں اپنا دبدبہ بڑھانے کی فراق میں چین!ہندوستان کی غیرموجودگی میں 19 ممالک کے ساتھ کی میٹنگ

    بحر ہند میں اپنا دبدبہ بڑھانے کی فراق میں چین!ہندوستان کی غیرموجودگی میں 19 ممالک کے ساتھ کی میٹنگ

    بحر ہند میں اپنا دبدبہ بڑھانے کی فراق میں چین!ہندوستان کی غیرموجودگی میں 19 ممالک کے ساتھ کی میٹنگ

    چین کے وزارت خارجہ سے جڑی تنظیم چائنا انٹرنیشنل ڈیولپمنٹ کوآپریشن ایجنسی (CIDCA) کے بیان میں کہا گیا ہے کہ 21 نومبر کو ڈیولپمنٹ کوآپریشن پربحر ہند علاقائی فورم کی میٹنگ میں 19 ممالک نے حصہ لیا۔

    • News18 Urdu
    • Last Updated :
    • China
    • Share this:
      چین نے اس ہفتے کی شروعات میں ہندوستنا کو چھوڑ کر جنوبی ایشیا کے سبھی ممالک سمیت بحر ہند کے علاقوں کے 19 ملکوں کے ساتھ میٹنگ کی۔ ذرائع کا کہنا ہے کہ اس میٹنگ میں ہندوستان کا مدعو نہیں کیا گیا تھا۔ یہ میٹنگ منصوبہ بند سمندری علاقے اور اہم سمندری تجارتی راستے میں بیجنگ کے بڑھتے دبدبہ کا نیا اشارہ ہے۔ چین کے وزارت خارجہ سے جڑی تنظیم چائنا انٹرنیشنل ڈیولپمنٹ کوآپریشن ایجنسی (CIDCA) کے بیان میں کہا گیا ہے کہ 21 نومبر کو ڈیولپمنٹ کوآپریشن پربحر ہند علاقائی فورم کی میٹنگ میں 19 ممالک نے حصہ لیا۔

      ہندوستان کو نہیں دی گئی دعوت
      انڈونیشیا، پاکستان، میانمار، سری لنکا، بنگلہ دیش، مالدیپ، نیپال، افغانستان، ایران، عمان، جنوبی افریقہ، کینیا، موزمبیق، تنزانیہ، سیشلس، مڈغاسکر، ماریشس، جبوتی اور آسٹریلیا سمیت 19 ممالک اور تین بین الاقوامی تنظیموں کے نمائندوں نے اس اجلاس میں شرکت کی۔ یہ میٹنگ یوحنان صوبے کے کنمنگ میں مشترکہ ترقی سمندری معیشت کے اصول پر مبنی ہائبرڈ ڈائریکٹ آن لائن موڈ میں منعقد ہوئی۔

      یہ بھی پڑھیں:
      ’چینی ٹرولرز اسلام کی توہین اور پیغمبر اسلام ﷺ کی شان میں گستاخی کے مرتکب، دی امریکہ ٹائمز

      یہ بھی پڑھیں:
      عمران خان نے اسٹیبلشمنٹ کو کیا خبردار، کہا ’چندطاقتوروں کے فیصلےپاکستانی نہیں کریں گےقبول‘

      چین کا بحر ہند علاقے میں اثر بڑھانے کی کوشش
      وسیع بحری علاقے میں اپنے اثر و رسوخ کو وسعت دینے کے لیے، اس فورم کا استعمال کرتے ہوئے چین نے بحر ہند کے علاقے کے ممالک کے ساتھ سمندری آفات کی روک تھام اور تخفیف تعاون کا طریقہ کار قائم کرنے کی تجویز پیش کی۔ میٹنگ کے اختتام پر جاری کردہ CIDCA کے ایک بیان میں کہا گیا ہے کہ چین ضرورت مند ممالک کو ضروری مالی، مادی اور تکنیکی مدد فراہم کرنے کے لیے تیار ہے۔ بیان میں کہا گیا کہ چین نے صوبہ یونان کے تعاون سے چین اور بحر ہند کے خطے کے ممالک کے لیے بلیو اکانومی تھنک ٹینک نیٹ ورک کے قیام کی تجویز بھی پیش کی۔
      Published by:Shaik Khaleel Farhaad
      First published: