உங்கள் மாவட்டத்தைத் தேர்வுசெய்க

    China Taiwan Conflict:تائیوان کے علاقے میں چین نے پھر سے بھیجے 21 جنگی طیارے اور5بحری جہاز

    تائیوان کے خلاف چین کی فوجی تیاری۔ امریکہ نے چین کو بتایا عدم استحکام کا ایجنٹ۔

    تائیوان کے خلاف چین کی فوجی تیاری۔ امریکہ نے چین کو بتایا عدم استحکام کا ایجنٹ۔

    China Taiwan Conflict: چین میں امریکی سفیر نکولس برنز نے کہا کہ عالمی سطح پر چین کو یہ باور کرانے کی ضرورت ہے کہ وہ عدم استحکام کا ایجنٹ نہیں ہے۔

    • News18 Urdu
    • Last Updated :
    • Delhi | Mumbai | Pune | Hyderabad | Lucknow
    • Share this:
      China Taiwan Conflict: امریکی ایوان نمائندگان کی اسپیکر نینسی پیلوسی اور سینیٹر ایڈ مارکی کی قیادت میں امریکی قانون سازوں کے تائیوان دورے سے چین مشتعل ہوگیا ہے۔ جمعہ کو تائیوان کی سرحد پر 6 بحری جہاز اور 51 لڑاکا طیارے بھیجنے کے بعد اس نے ہفتے کے روز دوبارہ اکیس جنگی طیارے اور 5 بحری جہاز بھیجے ہیں۔

      تائیوان کی وزارت دفاع نے تائیوان کو گھیرے میں لینے میں مصروف چینی فوج کے حوالے سے نئی دراندازی کا سراغ لگایا ہے۔ تائیوان کی وزارت دفاع نے کہا کہ انہوں نے ملک بھر میں 17 چینی فوجی طیاروں اور پانچ جہازوں کا سراغ لگایا۔ ان میں سے آٹھ جیٹ طیارے بھی ہیں جنہوں نے آبنائے تائیوان کی درمیانی لکیر کو عبور کیا۔

      ٹریک کیے گئے طیاروں میں ژیان جے ایچ 7 لڑاکا بمبار، دو سکھوئی ایس یو-30فائٹر اور دو شین یانگ جے-11 جیٹ طیارے تھے۔ J-11 نے جنوبی سمت کو عبور کیا جبکہ دیگر نے شمالی سمت پر مڈ لائن کو عبور کیا۔ وزارت نے کہا کہ اس نے چینی سرگرمیوں کی نگرانی کے لیے اپنے لڑاکا فضائی گشتی طیارے، بحری جہاز اور فضائی دفاعی میزائل سسٹم تعینات کیے ہیں۔

      یہ بھی پڑھیں:

      Pakistan:ہندوستانی ہتھیاروں سے پاکستان خوفزدہ، بنا اشتعال پڑوسی ملک لگارہاہے بے بنیادالزام

      چین عدم استحکام کا بن چکا ہے ایجنٹ: برنز
      چین میں امریکی سفیر نکولس برنز نے کہا کہ عالمی سطح پر چین کو یہ باور کرانے کی ضرورت ہے کہ وہ عدم استحکام کا ایجنٹ نہیں ہے۔ انہوں نے کہا کہ ہم نہیں مانتے کہ امریکی ایوان نمائندگان کی اسپیکر نینسی پیلوسی کا تائیوان کا پرامن دورہ امریکہ اور چین کے تعلقات میں کسی قسم کی تلخی کا باعث بنے۔ امریکی سفیر نے یہ بھی کہا کہ دنیا بھر میں تشویش پائی جاتی ہے کہ چین اب آبنائے تائیوان میں عدم استحکام کا ایجنٹ بن گیا ہے جو کسی کے مفاد میں نہیں ہے۔
      Published by:Shaik Khaleel Farhaad
      First published: