ہوم » نیوز » عالمی منظر

پاکستان میں نہیں رک رہا کوورنا کا قہر، اب تک 5374 معاملے، 93 لوگوں کی موت

یکم اپریل سے اب تک نہ صرف پاکستان میں کورونا متاثرین کی تعداد دوگنا بڑھی ہے بلکہ اموات میں بھی روزانہ اضافہ ہوتا جارہا ہے۔

  • UNI
  • Last Updated: Apr 13, 2020 01:56 PM IST
  • Share this:
پاکستان میں نہیں رک رہا کوورنا کا قہر، اب تک 5374 معاملے، 93 لوگوں کی موت
پاکستان میں نہیں رک رہا کوورنا کا قہر، اب تک 5374 معاملے، 93 لوگوں کی موت

اسلام آباد۔ پاکستان میں کورونا وائرس کیسز کے تیزی سے بڑھنے کا سلسلہ جاری ہے اور آج مزید کیسز رپورٹ ہونے سے ملک میں متاثرین کی تعداد 5 ہزار 374 جبکہ اموات 93 ہوگئیں۔ اس مہلک وائرس کا قہر پاکستان میں اپریل کے ماہ سے مزید تیز ہوگیا ہے۔ یکم اپریل سے اب تک نہ صرف ملک میں کورونا متاثرین کی تعداد دوگنا بڑھی ہے بلکہ اموات میں بھی روزانہ اضافہ ہوتا جارہا ہے۔


پیر کو بھی ملک میں کورونا متاثرین کی تصدیق ہوئی اور اسلام آباد میں مزید نئے کیسز رپورٹ ہوئے۔ سرکاری سطح پر اعداد و شمار بتانے والی ویب سائٹ کے مطابق اسلام آباد میں مزید 12 افراد وائرس سے متاثر ہوئے۔ ان نئے متاثرین کے بعد دارالحکومت میں متاثرہ افراد کی تعداد 131 تک پہنچ گئی۔ پیر کو آنے والے نئے اعداد و شمار میں پاکستان میں مزید 67 افراد وائرس کو شکست دے کر صحتیاب ہو گئے۔ جس کے بعد ملک میں صحتیاب ہونے والوں کی تعداد 1028 سے بڑھ کر 1095 تک پہنچ گئی ہے۔


علامتی تصویر


نئے اعداد و شمار کے مطابق پنجاب میں 2524 کیسز رپورٹ ہوئے ہیں۔ اس کے علاوہ سندھ میں 1411، خیبرپختونخوا میں 744 اور بلوچستان میں 230 افراد وائرس سے متاثر ہیں۔ مزید برآں اسلام آباد میں 131، گلگت بلتستان میں 224 اور مقبوضہ کشمیرمیں 40 افراد کورونا وائرس کا شکار ہوچکے ہیں۔ پاکستان میں ہونے والی 93 اموات میں ابھی تک سب سے زیادہ خیبرپختونخوا میں ہوئی ہیں۔
First published: Apr 13, 2020 01:56 PM IST
corona virus btn
corona virus btn
Loading