عدالت سے خالدہ ضیا نے کہا : انہیں انصاف نہیں ملے گا، آپ حکمراں جو چاہیں کریں

بدعنوانی کے الزام میں ڈھاکہ جیل میں قید بنگلہ دیش کی دو مرتبہ کی سابق وزیر اعظم خالدہ ضیاء کا کہنا ہے کہ وہ جانتی ہیں انہیں انصاف نہیں ملے گا۔73  سالہ سابق وزیراعظم خالدہ ضیاء کو کرپشن الزامات پر 5 سال قید کی سزا سنائی گئی ہے۔ وہ فروری 2018 سے ڈھاکہ جیل میں ہیں، جہاں گزشتہ روز انہیں جیل میں قائم عارضی عدالت کے سامنے ویل چیئر پر پیش کیا گیا۔
مقامی میڈیا کے مطابق خالدہ ضیاء نے عدالت کو کہا کہ وہ جانتی ہیں انہیں انصاف نہیں ملے گا، آپ حکمران ہیں تو آپ جو چاہیں کریں۔
انہوں نے بتایا کہ وہ شدید بیمار ہیں، ایک ہاتھ اور ٹانگ اپاہج ہو رہی ہیں۔ واضح رہے کہ بنگلہ دیش کی حکومت نے ڈھاکہ جیل کو عارضی عدالت کا درجہ دے دیا جہاں سابق وزیراعظم خالدہ ضیاکے خلاف کرپشن کے الزامات کی سماعت ہوئی۔