ٹرمپ نے ٹلرسن کو برخاست کیا،مائیک پومپوے بنے نئے وزیر خارجہ

واشنگٹن۔ امریکی صدر ڈونالڈ ٹرمپ نے کئی ماہ کے بد ظنی کے بعد آج  ریکس ٹلرسن کو وزیر خارجہ کے عہدے سے ہٹا دیا۔  ٹرمپ نے اپنی ٹویٹ میں اعلان کیا کہ سینٹرل انٹیلی جنس ایجنسی (سی آئی اے) کے ڈائریکٹر مائیک پومپوے، مسٹر ٹلرسن کی جگہ لیں گے اور وہ اچھا کام کریں گے۔

ٹرمپ نے ملک کے سب سے اعلی سفارتی عہدے پر 14 ماہ تک خدمات دینے کے لئے ٹلرسن کا شکریہ ادا کیا۔  ٹرمپ نے کہا کہ " سی آئی اے کے ڈائریکٹر مائیک پومپوے ہمارے نئے وزیر خارجہ ہوں گے۔ وہ شاندار کام کریں گے"۔
ٹرمپ نے کہا کہ سی آئی اے کی ڈپٹی ڈائریکٹر جینا هسپیل کو سی آئی اے کا سربراہ بنایا جائے گا۔ اس سے پہلے واشنگٹن پوسٹ نے ٹلرسن کی برخاستگی کی خبر دی تھی، جس کی تصدیق ٹرمپ نے اپنی ٹویٹ سے کردی ہے۔

Mike Pompeo, Director of the CIA, will become our new Secretary of State. He will do a fantastic job! Thank you to Rex Tillerson for his service! Gina Haspel will become the new Director of the CIA, and the first woman so chosen. Congratulations to all!

— Donald J. Trump (@realDonaldTrump) March 13, 2018

ٹرمپ نے گزشتہ جمعہ کو  ٹلرسن سے عہدہ چھوڑنے کو کہا تھا اور اس کے بعد وہ افریقی دورے کو درمیان میں چھوڑ کر پیر کو واشنگٹن واپس آگئے تھے۔