ڈونالڈ ٹرمپ کو لگا بڑا جھٹکا! جنسی ہراسانی کیس میں قصوروار قرار دئیے گئے، عدالت نے لگایا 410 کروڑ کا جرمانہ

ایک امرکی عدالت بنچ نے منگل کو ملک کے سابق صدر ڈونالڈ ٹرمپ کو امریکہ کی ایک صحافی کا جنسی ہراسانی اور ہتک عزت کرنے کے لیے جوابہ دہ پایا اور ان کو ہرجانے میں 5 ملین ڈالر (ہندوستانی کرنسی میں قریب 410 کروڑ روپے) کی ادائیگی کرنے کا حکم دیا ہے۔ سماعت کے دوران ججوں کی نو رکنی بنچ نے ای۔جین کیرل کی عصمت دری کے الزام کو مسترد کردیا، لیکن تین گھنٹے سے  بھی کم وقت کے غوروفکر کے بعد باریکی سے دیکھے گئے سول ٹرائل میں ان کی دیگر شکایتوں کو برقرار رکھا۔

یہ پہلا موقع ہے جب ٹرمپ کے خلاف کیس میں فیصلہ سنایا گیا ہے۔ ٹرمپ کو کئی دہائیوں پرانے جنسی بدانتظامی کے الزامات اور درجن بھر خواتین کے قانونی مقدمات کا سامنا ہے۔ کیرول نے اس معاملے میں ہرجانے کے لیے ٹرمپ کے خلاف مقدمہ دائر کیا ہے۔ وہ سابق صدر سے اس بیان کو واپس لینے کا بھی مطالبہ کر رہی ہیں کہ کیرول کی طرف سے لگائے گئے الزامات ہتک آمیز ہیں۔

امریکی صحافی، مصنفہ اور کالم نویس ای جین کیرول (79) نے گزشتہ سال اپریل میں ڈونالڈ ٹرمپ کے خلاف عدالت میں سماعت کے دوران الزام لگایا تھا کہ ملک کے سابق صدر نے ایک لگژری ڈپارٹمنٹ اسٹور میں ان کے ساتھ ریپ کیا تھا۔ کیرول نے کہا تھا کہ وہ 1996 میں کسی جمعرات کی شام کو برگڈورف گڈمین میں ٹرمپ سے ملی تھیں، جہاں ٹرمپ نے خواتین کے انڈرگارمنٹس خریدنے میں ان سے مدد مانگی تھی اور اسی دوران انہوں نے کپڑے بدلنے کے کمرے میں ان سے ریپ کیا۔

یہ بھی پڑھیں:

پاکستان: عمران خان کی گرفتاری کے بعد پرتشدد مظاہرے، پورے ملک میں دفعہ 144 لاگو

یہ بھی پڑھیں:

ایران میں 2اور لوگوں کو دی گئی پھانسی، 3سال پہلے لگا تھا قرآن اور پیغمبر کی توہین کا الزام

انہوں نے کہا کہ دہائیوں تک انہوں نے اپنے دو دوستوں کو چھوڑ کر کسی کو یہ بات نہیں بتائی، کیونکہ انہیں ڈر تھا کہ ٹرمپ ان سے اس کا بدلہ لیں گے اور انہیں لگا تھا کہ یہ میری غلطی ہے۔‘ کیرول نے کہا کہ انہیں یہ بھی ڈر تھا کہ ان کے ستھ جو ہوا، اس کے لیے لوگ انہیں ہی ذمہ دار ٹھہرائیں گے۔ انہوں نے کہا کہ انہوں نے ’می ٹو‘ مہم کے بعد آپ بیتی لوگوں کو بتانے کا فیصلہ کیا۔