ہوم » نیوز » عالمی منظر

آج رات وزیر اعظم نریندر مودی سے بات کریں گے امریکہ کے نئے صدر ڈونالڈ ٹرمپ

نئی دہلی۔ امریکہ کے نئے صدر ڈونالڈ ٹرمپ آج رات ہندوستان کے وزیر اعظم نریندر مودی سے فون پر بات کریں گے۔

  • Share this:
  • author image
    NEWS18-Urdu
آج رات وزیر اعظم نریندر مودی سے بات کریں گے امریکہ کے نئے صدر ڈونالڈ ٹرمپ
نئی دہلی۔ امریکہ کے نئے صدر ڈونالڈ ٹرمپ آج رات ہندوستان کے وزیر اعظم نریندر مودی سے فون پر بات کریں گے۔

نئی دہلی۔ امریکہ کے نئے صدر ڈونالڈ ٹرمپ آج رات ہندوستان کے وزیر اعظم نریندر مودی سے فون پر بات کریں گے۔ وائٹ ہاؤس کی جانب سے جاری ٹرمپ کے آج کے پروگرام میں اس بات کی جانکاری دی گئی ہے۔ ٹرمپ صدر بننے کے بعد اب تک دنیا کے چار اعلی رہنماؤں سے بات کر چکے ہیں۔ مودی پانچویں غیر ملکی لیڈر ہوں گے جن سے وہ بات کریں گے۔


وائٹ ہاؤس کی طرف سے جاری پروگرام کے مطابق صدر ٹرمپ ہندوستانی وزیر اعظم نریندر مودی سے واشنگٹن ڈی سی کے وقت کے مطابق دوپہر ایک بجے فون پر بات کرنے والے ہیں۔ اس وقت ہندوستان میں رات کے ساڑھے گیارہ بج رہے ہوں گے۔


ٹرمپ نے 21 جنوری کو کینیڈا کے وزیر اعظم جسٹن ٹروڈو اور میکسیکو کے صدر اینرک پینا نیتو سے بات کی تھی۔ انہوں نے اتوار کو اسرائیل کے وزیر اعظم بنجامن نیتن یاہو سے بات کی تھی اور کل انہوں نے مصر کے صدر عبد الفتح السیسی سے فون پر بات کی۔


ٹرمپ کو سب سے پہلے مبارک باد دینے والوں میں تھے مودی

آٹھ نومبر کو ہوئے امریکی صدارتی انتخابات کے نتائج آنے کے بعد ٹرمپ کو جیت کی مبارکباد دینے والوں میں مودی بھی تھے۔ اپنی انتخابی مہم کے دوران بھی ٹرمپ کئی بار ہندوستان سے تعلقات مضبوط کرنے پر زور دے چکے ہیں۔ امریکہ میں رہ رہے ہند نژاد لوگوں نے بھی بڑی تعداد میں ٹرمپ کی حمایت کی تھی۔
First published: Jan 24, 2017 12:03 PM IST