ہوم » نیوز » عالمی منظر

ایران عراق سرحد پر بھیانک زلزلہ ، متعدد گاوں میں زبردست تباہی ، 140 افراد ہلاک ، 860 زخمی

ایران میں آئے زبردست زلزلہ میں کم سے کم 140 افراد کی موت ہو گئی اور 860 سے زائد افراد زخمی ہو گئے ہیں۔

  • UNI
  • Last Updated: Nov 13, 2017 09:59 AM IST
  • Share this:
  • author image
    NEWS18-Urdu
ایران عراق سرحد پر بھیانک زلزلہ ، متعدد گاوں میں زبردست تباہی ، 140 افراد ہلاک ، 860 زخمی
ایران میں آئے زبردست زلزلہ میں کم سے کم 140 افراد کی موت ہو گئی اور 860 سے زائد افراد زخمی ہو گئے ہیں۔

انقرہ : ایران میں آئے زبردست زلزلہ میں کم سے کم 140  افراد کی موت ہو گئی اور 860  سے زائد افراد زخمی ہو گئے ہیں۔ ایران کی سرکاری ٹیلی ویژن کے مطابق عراق میں کل 7.3 شدت کے آئے زلزلہ کے جھٹکے ایران کے سرحدی علاقوں میں بھی محسوس کئے گئے اور اس سے کئی دیہات میں شدید تباہی ہوئی ہے۔ ٹیلی ویژن نے ایمرجنسی سروسز کے افسر پيرحسین كوليوند کے حوالہ سے کہا ہے کہ سرحد سے 15 کلومیٹر دور شرپول جهاب شہر میں کئی افراد ہلاک ہو گئے ہیں۔

رپورٹ کے مطابق عراقی سرحد سے ملحق ایران کے کئی صوبوں میں زلزلے کے جھٹکے محسوس کئے گئے۔ آٹھ گاوؤں میں زیادہ نقصان ہوا ہے. بعض دیہات میں بجلی کی سپلائی منقطع ہو گئی ہے. ریلیف اور امدادی ٹیموںکو متاثرہ علاقوں روانہ کردیا گیا ہے۔ نیم سرکاری خبررساں ایجنسی’ تسنیم‘ نے ایمرجنسی سروسز کے حکام کے حوالہ سے کہا کہ ایرانی میڈیا اور حکام کی طرف سے مرنے والوں اور زخمیوں کے بارے میں جو فہرست دی جا رہی ہے وہ غلط ہے۔ انہوں نے کہا کہ دور دراز کے دیہات میں مرنے والوں کی تعداد زیادہ ہونے کا خدشہ ہے۔

ایک مقامی ریڈ کریسنٹ کے افسر نے میڈیا سے کہا کہ زلزلہ کے بعد آنے والے جھٹکوں کی وجہ سے صوبہ كرمان شاه کے شہروں میں لوگ سڑکوں پر رہ رہے ہیں۔ میڈیا رپورٹس اور ٹوئٹر کے میں کہا گیا ہے کہ مقامی لوگوں نے بتایا کہ زلزلہ سے شدید جھٹکے کے بعد کئی اور جھٹکے(آفٹڑشاک) محسوس کئے گئے ہیں۔

First published: Nov 13, 2017 09:59 AM IST
corona virus btn
corona virus btn
Loading