ایلون مسک ڈھونڈ رہے ہیں ٹوئٹر کا نیا سی ای او! پالیسی پول میں اب بلو ٹک سبسکرائبرس ہی کرپائیں گے ووٹ

ارب پتی ایلون مسک سرگرم طور پر ٹوئٹر اِنک کے لیے ایک نئے چیف ایگزیکٹیو آفیسر (سی ای او) کی تلاش کررہے یہں۔ میڈیا رپورٹ کے حوالے سے منگل کو یہ جانکاری سامنے آئی ہے۔ 44 ارب امریکی ڈالر میں ٹوئٹر کو خریدنے کے بعد ایلون مسک نے اکتوبر کے آخر میں ہندوستانی نژاد کے پراگ اگروال کو ہٹٓکر اس کے سی ای او کے طور پر عہدہ سنبھالا تھا۔ حالانکہ نئے سی ای او کی تلاش کو لے کر ٹوئٹر کی جانب سے ابھی کوئی تبصرہ نہیں کیا گیا ہے۔

مسک نے پول کر پوچھا تھا سوال
اتوار کو انہوں نے ٹوئٹر یوزرس کے درمیان ایک پول منعقد کر کے پوچھا تھا کہ کیا انہیں اس کمپنی کے سربراہ کے عہدے سے ہٹ جانا چاہیے۔ ووٹنگ میں قریب 1.75 کروڑ لوگوں سے زیادہ نے حصہ لیا، ان میں سے 57.5 فیصد لوگوں نے رائے ظاہر کی کہ مسک کو ہٹ جانا چاہیے۔ جب کہ 42.5 فیصد لوگوں نے مسک کو نہیں ہٹنے کے حق میں ووٹ کیا۔ سروے کے لیے ووٹنگ اتوار شام کو شروع ہوئی تھی اور پیر کی صبح ختم ہوئی تھی۔ مسک نے وعدہ کیا تھا کہ پول کا جو بھی رزلٹ آئے گا، وہ اس پر عمل کریں گے۔

Should I step down as head of Twitter? I will abide by the results of this poll.

— Elon Musk (@elonmusk) December 18, 2022

دراصل ٹوئٹر پرمسک کے زیادہ دھیان دینے کے بعد ٹیسلا کے سرمایہ کار کافی پریشان ہوگئے ہیں۔ اس لیے سرمایہ کاروں کی تشویش کو دور کرنے کے لیے مسک اس سوشل میڈیا پلیٹ فارم کے لیے نئے لیڈر کی تلاش کررہے ہیں۔

Interesting

— Elon Musk (@elonmusk) December 19, 2022

یہ بھی پڑھیں:
لیونل میسی سمیت پوری ٹیم کی ارجنٹائنا واپسی، ملک بھر میں والہانہ استقبال، شائقین پرجوش

یہ بھی پڑھیں:
سرکاری ٹوئٹر اکاونٹس میں نظر آنے لگے ’گرے ٹِک‘ عالمی قائدین کے بدلے نشان

بلوٹک سبسکرائبرس ہی کرسکیں گے پول کے لیے ووٹ
ٹوئٹر کے سی ای او عہدے سے ہٹانے کی حمایت کرنے والے پول کے بعد ایلون مسک نے منگل کو کہا کہ اب صرف بلو ٹک سبسکرائبرس ہی ان کے پول کے لیے ووٹ کرسکیں گے۔