اگر ایلون مسک مکمل طور پر ٹویٹر خرید لیں تو کیا ہوگا؟ کیا کہتے ہیں تجزیہ نگاران؟

دنیا بھر کے امیر ترین تاجر ایلون مسک (Elon Musk) کی 44 ڈالر بلین میں ٹویٹر کمپنی کو خریدنے کی کہانی سوشل میڈیا کے مستقبل ہو طئے کرسکتی ہے۔ یہ کاروبای فیصلہ مستقبل کے تاجروں اور سوشل میڈیا کے اسٹیک ہولڈرس کے کیس اسٹڈیز میں ضرور شامل ہوگی۔ کیونکہ اس طرح کے معاملات مستقبل کی عالمی تجارت اور نئے معاشی رحجانات کو بھی ظاہر کرتے ہیں۔ ٹویٹر کا سوشل میڈیا پلیٹ فارم اور اس کا انتظامی انداز ایک ایسی نئے راہ کو واضح کرسکتا ہے، جس کے مستقبل میں دور رس اثرات مرتب ہوں گے۔

’یہ ایک بزنس اسکول کیس اسٹڈی ہے‘

الیکٹرک کار بنانے والی کمپنی ٹیسلا انکارپوریشن (Tesla Inc) کے چیف ایگزیکٹو نے معاہدے سے باہر نکلنے کی کوشش میں مہینوں گزارنے کے بعد متفقہ قیمت پر ٹویٹر خریدنے کی تجویز پیش کرتے ہوئے یو ٹرن کا مظاہرہ کیا ہے، بالکل اسی طرح جیسے ڈیلاویئر کی عدالت تعطل پر فیصلہ دینے کے لیے تیار ہو رہی تھی۔ فائنانس کے پروفیسر اور آئی ایم ڈی ورلڈ مسابقتی مرکز کے ڈائریکٹر آرٹورو برس نے کہا کہ یہ بہت سے معاملات میں منفرد ہے۔ یہ یقینی طور پر ایک بزنس اسکول کیس اسٹڈی ہے۔ کیونکہ یہ زہر کی گولیوں، بریک اپ کی فیس، قانونی چارہ جوئی اور دشمنی کی طرح کا کاروباری کیس ہے۔

اگرچہ دو مشہور کمپنیوں اے او ایل ٹائم وارنر (AOL-Time Warner) اور سونافی اوینٹس گیانزیمی (Sanofi-Aventis-Genzyme) کے سخت یا مخالفانہ قبضے کی مثالیں موجود ہیں، یہاں دنیا کا سب سے امیر آدمی ایلون مسک کا کیس ہے، جس نے طویل عرصے سے اپنے ٹویٹر اکاؤنٹ کو زیادہ آزادی اظہار کے لیے استعمال کیا ہے۔ وینڈربلٹ یونیورسٹی کے پروفیسر جوشوا وائٹ نے اس صورتحال کو بے مثال قرار دیتے ہوئے کہا کہ مسک کی ٹویٹر پر قبضہ کرنے کی کوشش پروفیسرز اور طلبہ کے لیے ایک تحفہ ہوسکتی ہے۔

مسک نے ٹوئٹر کے چیف ایگزیکٹیو پیراگ اگروال کو کمپنی کی پیشکش کرنے کے لیے ایک ٹیکسٹ پیغام میں لکھا کہ قانونی دستاویزات کے مطابق میں سچ کہتا ہوں کہ مجھے ایم جی ایم ٹی چیزیں کرنے سے نفرت ہے۔ مجھے نہیں لگتا کہ کسی کو کسی کا باس ہونا چاہئے۔ انہوں نے مزید لکھا انجینئروں کے ساتھ بہتر طریقے سے انٹرفیس کر سکتے ہیں جو پروگرام مینیجر/ایم بی اے کے مقابلے میں سخت پروگرامنگ کرنے کے قابل ہیں۔

اگرچہ ٹوئٹر کے میسیجز کاروبار چلانے کے لیے اس کے غیر معمولی وسیعت کی عکاسی کرتے ہیں، لیکن ٹویٹر کو کنٹرول کرنے کا مطلب یہ بھی ہوگا کہ کم از کم ابتدائی طور پر اس کا انتظام کرنا ہوگا اور اسے اپنے کنٹرول میں کرنا گا۔ جس کا راست فائدہ خود ماسک کو ہوسکتا ہے۔

یہ بھی پڑھیں: 

• دیوالی سے پہلے جاری ہوگی پی ایم کسان ندھی کی قسط،کسانوں کے اکاونٹ میں بھیجینگے20ہزار کروڑ


• اوپیک کے اقدام سے خام تیل کی عالمی قیمتیں ہوں گی متاثر، ہندوستان پر کیا پڑے گا اثر؟


• دہلی۔این سی آر میں آج سے سی این جی کی قیمتوں میں اضافہ، جانئے نئی قیمتیں


• کووڈ۔19 کے بعد عالمی کساد بازاری کےخطرات میں مزیداضافہ تشویشناک، عالمی مالیاتی فنڈکی وضاحت