پاکستان کے سابق وزیراعظم شاہد خاقان عباسی بدعنوانی کےالزام میں گرفتار

پاکستان کے سابق وزیراعظم اورمسلم لیگ نوازکے لیڈرشاہد خاقان عباسی کوجمعرات کو گرفتارکرلیا گیا ہے۔ سابق وزیراعظم کو ایل این جی معاملے میں قومی جوابدہی بیورونےٹول پلازہ سےگرفتارکیا ہے۔ این اے بی کےمطابق شاہد خاقان عباسی پربدعنوانی کا الزام ہے۔

واضح رہےکہ سابق وزیراعظم کواس وقت گرفتارکیا گیا جب وہ پی ایم این - ایل کے صدر شہبازشریف کےذریعہ منعقدہ ایک پریس کانفرنس میں حصہ لینےلاہورجا رہے تھے۔ بتایا جاتا ہےکہ عباسی کی گاڑی ٹول پلازہ کے پاس پہنچی ہی تھی کہ انہیں گرفتارکرلیا گیا۔

این اے بی نے شاہد خاقان عباسی کو18 جولائی کو ایل این جی معاملے میں پیش ہونےکے لئے سمن بھیجا تھا، لیکن انہوں نے ذاتی مصروفیات کا حوالہ دیتے ہوئے این اے بی کے سامنے پیش ہونے سےانکارکردیا تھا۔

Former Pakistan Prime Minister Shahid Khaqan Abbasi has been arrested by National Accountability Bureau (NAB): Pakistan Media (File pic) pic.twitter.com/sgLIhTBTV9

— ANI (@ANI) July 18, 2019

نیب نے سابق وزیراعظم کو ایل این جی کی درآمد کے معاملے میں تحقیقات کے لیے نیب راولپنڈی نے جمعرات کو طلب بھی کیا ہوا تھا اورگرفتاری کے بعد انھیں اسلام آباد منتقل کیا جا رہا ہے۔ ان پرالزام ہےکہ انھوں نےبطوروزیرِپیٹرولیم ایک ایل این جی ٹرمنل کا ٹھیکہ مبینہ طورپرمن پسند کمپنی کودیا۔ نیب کا کہنا ہے کہ من پسند کمپنی کوایل این جی ٹرمنل کا 15 برس کے لئے ٹھیکہ دینے سے قومی خزانے کو مبینہ طور پراربوں روپے کا نقصان پہنچا ہے۔