خوفناک: Pakistan میں 8 سال کی لڑکی سے اجتماعی آبروریزی، مخالفت کرنے پر آنکھیں نکال لیں

اسلام آباد: پاکستان میں اقلیتوں کے خلاف جرم تھمنے کا نام نہیں لے رہا ہے۔ اتوار کو سندھ صوبہ کے عمرکوٹ علاقے میں ایک 8 سالہ لڑکی کے ساتھ بے رحمی سے اجتماعی آبروریزی کی گئی ہے۔ اس کے بعد اس کی آنکھیں نکال لی گئیں۔ مشتبہ افراد نے مبینہ طور پر اس کے پورے چہرے کو نوچ دیا۔

یہ حادثہ تب سامنے آیا، جب پاکستان میں ایک ’ہندووں کے حقوق کے کارکن‘ نے ایک ویڈیو کلپ ٹوئٹ کیا۔ کلپ میں متاثرہ کو اسٹریچر پر دیکھا جاسکتا ہے، جہاں اس کے والدین اسے اسپتال کیمپس کے اندر لے جا رہے تھے۔ ویڈیو میں متاثرہ فیملی کے ساتھ اسپتال جاتی ایک خاتون کو بھی دیکھا جاسکتا ہے۔

#CAA
8-year-old Hindu girl Kavita is stabbed in both eyes during gang rape in Umarkot, Sindh-Pakistan. She is in hospital, still bleeding and in critical condition. pic.twitter.com/NSA2S0IHum

— KeepitDope_Singh (@WiseWolf_Rsingh) August 28, 2022

خاتون نے میڈیا کو بتایا کہ خون بہنا بند نہیں ہوا ہے، جس کی وجہ سے بچی کی حالت بے حد نازک ہوگئی ہے۔ اس نے آگے بتایا، ‘متاثرہ کے پرائیویٹ پارٹ سے مسلسل خون بہہ رہا ہے۔ مقامی ایمرجنسی اسپتال کے ڈاکٹروں نے اسے بی آئی ڈی ایس اسپتال میں ریفر کردیا ہے، جہاں ایک خواتین امراض کے ماہر ڈاکٹر اس کی حالت کی جانچ کریں گے‘۔ متاثرہ کو اینٹی بایوٹک کی سخت ضرورت ہے، ایسا متاثرہ کے ساتھ کی خاتون نے میڈیا کو بتایا ہے۔

خاتون نے مزید بتایا، ’زانیوں نے یقیناً اس کے پورے چہرے کو نوچ دیا ہے اور اس کی آنکھیں بھی کاٹ لی ہیں، بس اسے ایک بار دیکھ کر کسی کی بھی روح کانپ سکتی ہے‘۔ انہوں نے کہا کہ پاکستان میں غریبوں کے لئے کوئی جگہ نہیں ہے۔ انہوں نے کہا، ’اس لڑکی کی حالت دیکھ سکتے ہیں، یہ اکیلا معاملہ نہیں ہے، اس طرح کے ہزاروں حادثات ہر دن پیش آتے ہیں، لیکن کوئی کارروائی نہیں ہوتی ہے۔ متاثرہ افراد کہاں جائیں؟ حکومت کو جوابدہ ہونا ہوگا۔

8-year-old Hindu girl Kavita D/o Maru Bheel is gang raped & tortured so severely that she was almost dead when they left her. She is admitted in Umarkot, government hospital Sindh-Pakistan. Doctors confirmed the rape. pic.twitter.com/vGay5ewKdU

— KeepitDope_Singh (@WiseWolf_Rsingh) August 28, 2022

ہندو حقوق کے لئے جدوجہد کرنے والے کارکن کے ذریعہ پوسٹ کئے گئے اس ویڈیو کلپ میں، متاثرہ کی ماں نے ایک نیوز میڈیا کو بتایا، ‘متاثرہ ایک مقامی دوکان پر گئی تھی، لیکن واپس نہیں آئی‘۔ ویڈیو میں خاتون کو ان کے مقامی زبان میں بات کرتے ہوئے دیکھا جاسکتا ہے۔

دوسری جانب، مقامی خبروں کے مطابق، ‘عمرکوٹ پولیس نے اس کے لاپتہ ہونے کے کچھ گھنٹے بعد متاثرہ کو برآمد کرلیا تھا‘۔ پولیس اسے علاقے کے سول اسپتال لے گئی اور معاملہ درج کرکے جانچ شروع کردی گئی ہے۔ رپورٹس کے مطابق، ملزمین فی الحال فرار ہیں، پولیس انہیں گرفتار کرنے کی کوشش کر رہی ہے۔